|
اللى حاسس ان نوره ضعيف
السلام عليكم انا عارف ان فى ناس كتير حاسة ان النور بتاع عربيتها رايح فى داهية وبتبقى فى عربيات زيرو نورها نازل ضعيف الحل وارحص من الزينون ومش ممنوع من المرور واتخنها ظابط ميعرفش يتكلم معاك بالنسبة للعربيا اللى هيا عالى وواطى لمبه واحده الشغل النور فيها بيبقى سهل جدا عشان متوفر لو تفتكره زمان كان فى ناس بتقول لمبه زئبق وحاجات زى كده هيا لمبة هالوجين بس الوات بتاعها عالى يعنى اللمبة دى اللى هيا اللمبة ال 240/140 يبقى العالى بتاعها 240 والواطى 140 وات على الرغم ان اللمبة الاصلية 80 على 55 اللمبة دى نورها عالى بس بنحتاج نركب كتاوت نور دى بتخلى النور اقوى كمان ولازم تركب لو ركبنا اللمبة دى عشان ممكن تحرق دراع النور وتسيح الفيشة اللى رايحة للمبة ونورها يجماعه يوازى قوة نور الزينون يعنى تخيلو ان النور الواطى بتاع اللمبة دى بيبقى اعلى من النور العالى بتاع الاصلى عشان دى مطلعة 140 وات للنور الواطى زائد الكتاوت فبتخلى النور اقوى من كده بالنسبة للعربيات اللى هيا الواطى بتاعها لوحده والعالى بتاعها لوحده كل اللى هانعمله هانغير اللمبات الى 100 وات بدل 55 وات |
رد: اللى حاسس ان نوره ضعيف
شكرا ياباشا على الموضوع وللعلم انا كنت مركبها بس شلتها عشان مش عملية لانك مش حتقدر تولع نور العربية وانت فى البلد لانك ستلاحظ ان الناس كلها مستاءة من النوروشدته
|
رد: اللى حاسس ان نوره ضعيف
والعمليه دي بتكلف كام بتركيب الكتاوت.......وهل في حاجه نورها اقل شويه عشان السبب اللي قال عليه الاستاذ بدر بسيوني.....وشكرا لموضوعك
|
رد: اللى حاسس ان نوره ضعيف
دى فكره حلوه اوى بالنسبه لطرق السفر....شكرا جزيلا على الافاده
|
رد: اللى حاسس ان نوره ضعيف
فى فكرة تانية ارخص بكتير ومش محتاجة كتاوت هاتركب لمبات 140 على 80
|
| الساعة الآن 07:43 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017