مصر موتورز مجتمع السيارات - تست درايف لسيارة فيات يرافا

تست درايف لسيارة فيات يرافا

اولا السياره شيك الي حد ما بس الكاسيت عالي شويه

العربيه ما شاء الله واسعه جدا من حيث الطول والعرض يعني الراجل كان مرجع الكرسي بتاعه وانا كنت اعد مستريح للغايه في المقعد الخلفي يعني بررررراح يعني مش زي الشاهين خالص اللي واسعه بالعرض و بالطول فضيحه[IMG]http://www.**********.com/Nile/images/smilies/set1_b/pinch.gif[/IMG]

الشنطه واسعه مع ان العربيه هاتش باك

ده مبداياً

لما ركبت السياره

اولا مقعد القياده واطي اوي طب وبعدين يا رجاله الواحد مش واخد علي كده المهم دورت و ابص الاقي ان الواحد مش شايف حاجه غير الطابلوه واللي اسمه لما تيجي تشتري طبلون علي شان يفهموك – موضوع هابقي احكي لكم عليه بعدين – ماشي هنعمل ايه بس نتكل علي الله

جيت يا اخونا اطلع بس ما حستش اني راكب حاجه مميزه يعني عادي بتطلع عادي خالص

احنا كنا بالليل وبعدين عاوز اشغل النور فابقول له ياعم حسين النور بتعها فين راح قال لي نور ايه بس ولقيت الناس اللي ورا قالوا لي نزلنا هنا اتاريه كان شغال بس النور واطي اوي و انا مش متعود علي الحكايه دي ضعيف فعلا كمان التابلوه العالي ده عمل لي ارتكاريا مش شايف حاجه اصلا وبصراحه عمري ما ركبت حاجه كده خالص يعني انت ما تعرفش المطب علي بعد اد ايه من مسافه 10 متر وتسيب الموضوع ده علي ربنا ثم علي تخمينك بعد كده

ماشي يا اخونا قلت اقرص عليها شويه بس برضوا مش حاسس اني بشد وده ممكن يكون علي شان النقلات الاولي بس ها تفتح علي الرابع او الخامس

بس بصراحه الراجل صحبها لما بيشد عليها بتعمل عمايل فظيعه بس هو بيحرق عليها اوي وانا بتصعب عليا العربيات اوي اوي [IMG]http://www.**********.com/Nile/images/smilies/set1_b/no.gif[/IMG]

ثباتها معقول ال كويس

عيوبها

مش أي حد يفهم في تصلحها

الطابلوه عالي اوي يعني مغطي يجي 10 متر من الامام

الموتور ما بيشدش اوي علي سرعات البطيئه –بدون حرق مواتير –

الكرسي واطي

المميزات

الوسع سواء في الطول او العرض

هاتش باك بس الشنطه واسعه

بتجيب سرعات حلوه بس طبعا علي حساب حرق الموتور

الصالون بتعها حلو وتقفيله ممتاز