سوءال لكل اللى ركب سكودا
 

هل ممكن السكودا تشيل 3 افراد كبار فى الكنبة اللى ورا و طبعا دة هيبقى حوالى يومين تلاتة بس فى السنة و يا ريت حد يريحنى و يقوللى ايه رايه فى العربية دى بصراحة لانى قربت اتجنن من تضارب الاراء خصوصا فى العربية دى بالذات و يا ريت حد يقوللى ايه هو افضل موديل فيها مع العلم انى معايا 30000 فقط و ناوى اشترى خلال اسبوع و لو حد عنده بدايل احسن يا ريت يقوللى احسن انا قربت اتجنن من تضارب الاراء فى العربيات و خصوصا الاسكودا و معلش انا طولت عليكوا

رد: سوءال لكل اللى ركب سكودا
 

دا بيتوقف علي حجم الركاب نفسهم
يعني لو اربع اطفال اوك
طفلين و اتنين بالغين ممكن برضه و عيل يقعد علي رجل واحد
تلاته بالغين و معاهم عيل ممكن يدخلوا العربيه بس حيبقوا مخنوقين جدا
هيا اي عربيه تشيل بس دا حمل علي الموتور و عفشه العربيه
اي عربيه ايا كانت مافيش حد حيقعد اربعه ورا و مستريح ابدا

رد: سوءال لكل اللى ركب سكودا
 

الف شكر يا حازم باشا على الرد السريع بس انا قصدى ان انا بحس ان السكودا واطية ع الارض فهل ينفع يركب فيها تلاتة كبار بس احجام حفيفة فى الكنبة اللى ورا فى اضيق الظروف و لا العربية هتبقى واقعة خالص و معلش اخر سؤال بخصوص موتور الفيليشيا ناس تقول موتور جامد لانه من تصميم فولكس و ناس تقول لا دة موتور تعبان لانه الومنيوم يا ترى ايه صحة الكلام دة و اشكركوا و اسف على الاطالة

رد: سوءال لكل اللى ركب سكودا
 

ينفع عادي انك تحمل فيها
اهم حاجه و انت بتاخد المطب تاخده بجنب علشان العربيه ما تحكش من تحت
و لو حكت حتي مش حيحصل حاجه بس نتكلم عن المحافظه القصوي.
اما بخصوص الموتور فالموتور كونه حديد او الومنيوم لا يعيب في قدره الموتور نهائيا
عيبه الوحيد انه بيبقي صعب في عمرته و مش اي ميكانيكي يعملها فبيبقي الافضل تجيب موتور استعمال.
انا عموما مش غاوي فيليشيا بس بقول اللي ليها و اللي عليها
العربيه جامده و كل حاجه و قريبه من اللادا حتي في سواقتها
بس مشاكل حرارتها لو عربيه مش مضبوطه تبقي بشعه
لازم تكون عربيه سليمه و مش اي عربيه و خلاص

رد: سوءال لكل اللى ركب سكودا
 

اشكرك يا حازم باشا انت راجل محترم فعلا بس انا عندى سؤال تانى معلش استحملنى انا ادامى عربية كوردوبا 96 بس المشكلة ان عدادها عالى قوى و هو طالب 30000 بس ممكن تنزل تانى ايه رايك و ياريت ترشحلى خاجة كوسية لاسرة 5 افراد فى حدود تلاتين الف بس اهم حاجة تكون صاجها جامد زى الاسكودا و اسف على ازعاجك مرة تانية