|
اى السيارتين افضل
السلام عليكم الأخوة الأفاضل لها الخبرة
رجاء افيدونى السيارة فولكس باراتى مو 2007 ام السيارة دايهاتسو تريوس 2000 اتوماتيك بارك الله فيكم جميعا وكل سنه وانتوا طيبين |
رد: اى السيارتين افضل
اهلا بيك يا ابو عبد الرحمن نورت مصر موتورز
القاعدة الاساسية فى الاختيار بين عربيتين فى المستعمل هو ان الاولوية والافضلية لشرط الحالة اللى حالتها افضل ميكانيكا وسمكرة وعفشه افضل طبعا ولو اطمنا على حالة العربيتين بالمعاينة والكشف من متخصصين نبداء نقارن والمقارنة المفروض تبقى على اساس طبيعة استخدامك واحتياجاتك التريوس مثلا عربية عالية وتبقى مفيدة لو استخدامك اسرى بمعنى اكتر من شخص بيركب العربية وطريقك فيه تكسير او مطبات تبقى احسن اختيار ساكن فى مدن جديدة وطريقك طوالى واغلب ركوبتك لوحدك ممكن تبقى الفولكس انسب غير كدة التريوس عامة انتشارها اكبر واعيد انتاجها باسماء صينية زى زوتى وبتشترك مع الاصلية فى قطع غيار كتير فالقصد هتلاقيلها صيانة وقطع غيار اسهل وممكن ارخص من الفولكس بارتي اللى مش منتشرة اوى كمان التريوس فى اعادة البيع اسهل وليها زبونها عن الفولكس بارتى اللى الناس بتعتبرها مش فولكس اصلا الخلاصة لو تساوت الحالتين التريوس افضل اقتصاديا فى اغلب الاحوال لكن قولنا طبيعة استخدامك واحتياجاتك |
رد: اى السيارتين افضل
الخلاصة لو تساوت الحالتين التريوس افضل
|
رد: اى السيارتين افضل
جزاك الله كل خير.....الحمد لله انا عديم خبرة فى العربيات اصلا وفعلا صدقت كتير من الاخوة رجحوا الديهاتسوا ......لكن عندى استفسار موديلات 99 و2000 فى منها اتوماتيك وتمنها يبقى فى حدود كام لو حالتها كويسة ........وبارك الله فيك
|
رد: اى السيارتين افضل
موجود منها تريوس اتوماتيك واسعارها دلوقتى بتوصل ل 65 الف - 70 الف حسب الحالة
|
| الساعة الآن 10:52 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017