سؤال بخصوص نقل ملكية من مرور لمرور آخر داخل نفس المحافظة
 

السلام عليكم

إشتريت سيارة 128 موديل 90 وأنتهت فترة الترخيص فى 2/10/2009 .

وكما اعلم ان هناك شهر سماح

وأيضاً قد قمت بتسجيل السيارة بالشهر العقارى قبل إنتهاء فترة الترخيص .

علماً بأننى تابع لمرور غير الذى تتبعه السيارة ( حيث أننى مرور طوسون - والسيارة كانت مرور محرم بك )

والآن جاء ميعاد الفحص وفترة السماح ستنتهى 2/11/2009

أولاً : فهل أنا بحاجه إلى إستخراج شهادة بيانات لتقديمها إلى المرور الجديد .

ثانياً : وهل لابد من رفع بصمة ومطابقة بالمرور القديم التابع له السيارة ( محرم بك ) قبل التوجه للفحص فى مرور طوسون .

برجاء سرعة الإفادة وشكراً .

رد: سؤال بخصوص نقل ملكية من مرور لمرور آخر داخل نفس المحافظة
 

عليكم السلام
فتره السماح او شهر الحكومه علشان تاخد مهله انك ترخص العربيه فيها
من غير ما تدفع تلت الضريبه زياده .
لكن لا تسمح لك بسير السياره او نقلها من مرور الي اخر
و لذلك
المفروض تروح المرور التابع اليه السياره و تجيب شهاده بيانات بالعربيه
و ممكن تسلم النمر هناك كمان و بيثبت دا في شهاده البيانات لكن لازم يكون معاك شهاده مخالفات
و بيتكتب في شهاده المخالفات
غير مطالب باللوحات المعدنيه و غير مطالب بشهاده براءه الذمه الماليه
المهم بعد كده بتروح المرور بتاعك سواء في نفس المحافظه او محافظه تانيه
تدخل علي الفحص الفني و بياخدوا بصمه الشاسيه و الموتور و تطابق بشهاده البيانات
و بتدفع رسوم الترخيص و تأمين اللوحات و تكون جايب وثيقه تأمين للسياره و تستلم اللوحات الخاصه بمرورك
و بعد كده الملف بتاع العربيه بيجي من المرور التاني الي مرورك في خلال 3 شهور او 6 شهور
و الف مبروك:)

رد: سؤال بخصوص نقل ملكية من مرور لمرور آخر داخل نفس المحافظة
 

شكرا على معلومة الأستاذ حازم
مع العلم أنه حدث معي غير ذلك حيث أنني تابع لمرور الدقي وكنت أنقل ملكية وترخيص سيارة تابعة لمرور النزهة بمصر الجديدة وتم هذا الموضوع في سلاسة بدون اي رجعه . والحمد لله

رد: سؤال بخصوص نقل ملكية من مرور لمرور آخر داخل نفس المحافظة
 

اكيد يا استاذ حسن كان معاك رخصه ساريه و عقد مسجل و شهاده بيانات ساريه
الحاله دي مش محتاج تروح او تيجي
اما لو الرخصه منتهيه بيبقي الوضع غير