|
عنوان محمد سمير ضرورى
بسم الله الرحمن الرحيم
ممكن أعرف عنوان محمد سمير ده فين بالظبط علشان انا لسه مشترى ايبيزا 94 وعايز اظبط فيها كام حاجة كده ..................... وشكرا |
رد: عنوان محمد سمير ضرورى
khalf 7adeket badr men gesr elsuis
|
رد: عنوان محمد سمير ضرورى
شكرا mmouneer على اهتمامك ولكن انا عايز اعرف العنوان بالتفصيل علشان انا من الهرم يعنى اخر جسر السويس ولا أول جسر السويس انا اصلا ماعرفش حديقة بدر دى فين ... وشكرا
|
رد: عنوان محمد سمير ضرورى
بص حضرتك انت لو جاى من صلاح سالم هتمشى لاخره وعند الكلية الحربية هتمشى شمال وبعدين يمين فى محاذاه سور مطار القاهره وهيبقى على شمالك ملاهى السندباد لحد ما تلاقى كوبرى (الحرفيين ) متطلعوش وتدخل من تحتيه على جسر السويس وتمشى كانك راجع تانى هتلاقى حديقة بدر على يمينك
او لو جاى من جسر السويس هتفضل ماشى بعد الف مسكن وبعد فندق السلام وبعد جراج عين شمس كل ده على اليمين هتلاقى بعد جراج عين شمس مباشره على الشمال حديقة بدر تاخد اليوترن وتخش من جمبها يمين لما تخش من جمب الحديقة يمين (يعنى الجنينه تبقى على يمينك) هتمشى حوالى ميت متر هتلاقى مزلقان تعديه وتمشى طوالى برضو (ده شارع الاربعين ) هتلاقى امير جوزيف وورش كتير على اليمين والشمال وقبل اخر الشارع بشوية هتلاقى المركز وجمبيه مركز درش بتاع الزوايا شارع الاربعين عامه صغير وميتوهش ومسدود فى الاخر فكده كده مش هتوه وهناك لو سألت فين محمد سمير الف واحد هيدلك والف سلامة على الابيزا يا باشا وابقى طمنا |
رد: عنوان محمد سمير ضرورى
شكرا ابو نورا على اهتمامك والتوضيح الهايل ده
|
| الساعة الآن 01:11 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017