تغيير زيت المحرك
 

السلام عليكم:
استطيع ان اضيف معلومه قد تكون غائبه عن الكثير
موعد تغيير زيت المحرك
الكثير يحسب على عداد الكيلو متر فهل هذا صحيح؟
اسأل نفسل هل وانت تقف فى الاشاره او وانت منتظر والسياره شغاله او بتسخن السياره هل المحرك يدور ولا لا؟
طيب المحرك بيدور وعداد الكيلو متر لايعد فى هذه الاحوال؟
ممكن كل يوم فى ذهابى للعمل الطريق فاضى مثلا 20 كم مسافه تقطع فى 20 دقيقه مثلا لكن لو الطريق زحمه ممكن يستغرق ساعه معنى كده ان الموتور بيدور وبياكل فى نفسه ثلاث مرات اكثر لانه شغال وانت واقف؟
معنى كده العداد 20 كم والموتور اشتغل اكثر .......صح ............معايا؟
طيب المقاييس العالميه قالت ان كل ساعه دوران للمحرك تساوى 50 كم سير
بمعنى انك لو رايح الشغل 20 كم فى ساعه وثلث منهم ساعه وقوف فى الاشارات كده كأنك مشيت 70 كم والعداد 20 كم؟؟؟..................مع ايا
هنحسب انك بتروح الشغل نفسه 6 مرات فى الاسبوع معنى كده تضيف على العداد 300 كم ..............طيب فى الشهر 1200 كم ...........معايا؟
لو افترضنا العداد عمل كام قراءه هتبقى 800 فى الشهر طبعا لانى افترضت الوقوف فى الاشارات اكثر وكل واحد له ظروف مختلفه فى طريقه
معنى كده لو الزيت عندى على العداد هغيره كل سنه (10000كم ) لكن بعد الحساب ده هغيره كل 5 شهور............معايا
اعد حساباتك للحفاظ على محرك سيارتك اللى هو راسمالك

لم تسال نفسك مره الاوناش اللى بترفع الرمل واقفه ومبتعملش 5 كيلو فى الشهر كيف يتم غيار الزيت لها
بوقت التشغيل حيث بها ساعه زمنيه تعمل مع اداره المحرك وتقف مع ايقافه
ايضا يراعى استهلاك الزيت اكثر عند السير فى طرق وعره ودرجه حراره عاليه للجو ووجود ركاب بصفه دائمه مع السائق او تحميل السياره
وشكرا واسف للاطاله
ومنه لله اللى علمنا نحسب الزيت بعداد الكيلو متر
:w6w200504112245306e

رد: تغيير زيت المحرك