مصر موتورز مجتمع السيارات - ممكن تشترى تاتا ؟

معلش يا جماعة هو اسم العربية كده
تاتا نانو لو معندكش معلومات عنها خش قسم التاتا واقرا المواضيع ديه
سيارة ب 2500$ تنافس الماروتى
الاعصار الهندي يضرب سواحل اوروبا ... بطوله اميـ-تـاتـا نانو-شان
تاتا نانو ارخص سيارة فى العالم

العرية باختصار شديد هى ارخص سيارة فى العالم سعرها اقل من 3000 دولار يعنى والمفروض لو نزلت مصر بجمارك معقولة تبقى فى حدود ال 20 الف جنية
ptmnlo123per154

العربية لسه بالحجز والاستلام فى الهند ومتوقع تنزل اوربا وتغزو العالم كله
هى تصميمها ظريف فعلا والمساحة الداخلية معقولة جداً برضو لكن مشكلتها الاساسية فى قدرة المحرك المتواضعة جدا واللى تخليها تحسب على انها متوسيكل اكثر من كونها سيارة لكن لو كانت بالسعر ده زيرو اكيد هيبقى ليها فرصة وهترحم اسر كتير من بهدلة المواصلات او اقتناء سيارة مستعملة مر عليها عشرات السنين
ptmnlo123per1106

والاهم من كل ده ان السعر ده لما تبقى بالقسط هتبقى حاجة ظريفة خالص يعنى ممكن تدفع الفين جنية (10%) وشيل يا معلم وكل شهر تدفعلك 200 - 300 جنية يعنى ارخص من التوكتوك
ptmnlo123per154
ويسلام يا سلام لو يتم احلال التكاتك ويستبدلوها بالعربيات ديه بجد تبقى ضربة معلم
ptmnlo123per1147

السؤال هو انتو توقعاتكم ايه للعربية لو نزلت مصر وهل ممكن تشتروها اذا كان اه يبقى ليه ولو لاء برضو ليه ؟

اسيبكم تقرو تقرير عملتو عنها اليوم السابع وفى انتظار ردودكم

http://www.youm7.com/images/NewsPics...0910203611.jpg

أثار طرح شركة "تاتا موتورز" الهندية سيارة تعد الأرخص فى العالم لمواجهة الأزمة الاقتصادية العالمية وهى الـ"تاتانانو"، تساؤلات حول مدى صلاحية السيارة للعمل فى شوارع القاهرة، إذا ما تم تسويقها فى البلاد العربية، وما العمر الافتراضى لها، وهل سيتوفر لها قطع غيار.

السيارة لم تغزُ الأسواق فى أوروبا حتى الآن، ومازالت تخوض مجال التجربة فى طرقات الهند ولا تعلم الـ"تاتانانو" ما ينتظرها عند تسويقها للبلاد العربية. العديد من أصحاب معارض السيارات كان لهم الرأى نفسه تقريبا حول هذه السيارة ذات المعلومات الغامضة، وقال محمد على صاحب أحد معارض السيارات بحلوان إنه سمع عن تلك السيارة الهندية التى سيتراوح ثمنها من 15 إلى 20 ألف جنيه، ولكن كلها " طراطيش" كلام ولا يوجد شىء مؤكد حتى الآن.
وأضاف على بنبرة يائسة قائلا: "إن مثل تلك السيارات والأشياء الغريبة التى يدخلونها البلد هو ما يوقف حالنا ويوقف سوق السيارات عموما".

كما أكد صاحب أحد معارض السيارات "ماجد كار" أن ما سمعه عن السيارة الهندية أنها تبلغ قوتها 650 سى سى آى أنها ليست سيارة بل "موتسيكل" وبالتالى فإن سرعتها ستكون صغيرة جدا، ولن تجد قبولا بعد طرحها فى الأسواق المصرية.

واختلفت الآراء حول مدى نسبة نجاح هذه السيارة والإقبال عليها بين الشباب، وقالت أمنية فتحى: "هى سعرها كويس وشكلها جديد ولذيذ بس فكرة إن الهند أول مرة تنزل سيارة أصلا فكرة تخض، يعنى محتاجة مغامرة شوية إنى أجربها، ده غير إنى أصلا مش بحب السيارات البطيئة".

"أنا لا يمكن أشترى العربية دى إطلاقا ده شهر وتلاقيها باظت" هذا ما قاله مصطفى محمود مهندس كهرباء.
وفى نفس السياق أضاف حسن مجدى "لأ مش هشتريها لأن قطع غيارها مفتكرش تكون متوفرة، مش هشتريها حتى لو سعرها حلو أوى، وكمان كل حاجة بتنزل مصر سعرها بيرتفع بعد الضرائب والجمارك دى شغلانة".

بعكس ذلك قال محمود محمد "أنا شايف أنها عربية جامدة جدا وأنا مستنى أول لما تنزل مصر علشان أشتريها على طول" واتفقت معه هايدى يوسف قائلة: "أجربها هخسر إيه يعنى؟ هى هتيجى على 15,000 جنيه".
الـ"تاتانانو" وصفها معظم الشباب بأنها (تقليعة) السنوات القادمة، فيصفها محمد حسن بأن "شكلها لذيذ بس إمكانيتها مش أوى، وبالنسبة لسعرها فى ناس هتشترى الغالى علشان مضمون وناس هتشترى الرخيص علشان على قد إديها، وناس تانية هتشتريها علشان بتموت فى أى تقليعة جديدة".

وقالت هبة محمد: "أعتقد هتبقى تقليعة جديدة بين الشباب بس ده لو نزلت السوق وأثبتت نفسها، يعنى مشاكلها قليلة وقطع غيارها متوفرة، ده غير إن سعرها مناسب لكتير من الناس وكمان شكلها تحفة".