مصر موتورز مجتمع السيارات - فيات 128 ........ بصوا بقي علشان انا تعبت

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

- - فيات 128 ........ بصوا بقي علشان انا تعبت (https://www.masrmotors.com/vb/showthread.php?t=138909)

فيات 128 ........ بصوا بقي علشان انا تعبت

سلام عليكم

انا كنت ناوي اشتري عربية غالية لكن للاسف تراجعت عن قراري و هاشتري 128 علشان الفلوس اللي كنت هاجيب بيها العربية الغالية دي هيا كل اللي حيلتي و صعبان عليا اني اجيب بيها كلها عربية , انا علي وش جواز

فا قررت اجيب عربية في حدود 20 الف بس

انا صليت استخارة و حاسس اني عاوز اجيب 128 , بالرغم من ان مافيش حد ماقاليش اوعي تجيبها دي عربية هاتقرفك , لكن كلام الناس كله يدل علي ان اللي بيجيب العربية دي بيعاملها معاملة سيئة فا بالتالي بتكفره في عيشته.

النهاردة شفت عربية 128 مو87 ب 15 الف , الشاسيه مافيهوش حاجة , و قررت اعمل الاتي

هاجيبها , و اول ما اخدها هارفع العربية , هاركب شدادات(بارات) للشاسية , او هاعمل حوار صب الالومنيوم ده و لو عرفت اعمل الاتنين هاعمل .
هاغير المساعدين بمساعدين كورسا لانها احسن حاجة لل 128 علي ما سمعت , و هاجيب سوست رياضي, لو عرفت اجيب مساعدين و سوست رياضي ممكن برده(انا ماليش في حوار تهبيط العربية ده ماباهتمش بيه قوي)

طبعا انا هاغير كل السيور و الفلاتر و البوجيهات و اي حاجة بتتغير و اجيب منها النظيف من اولها كده.

احتمال اغير اللي جوا الصالون كله بس واخدة واحدة , هاجيب الاول كراسي طيارة علشان كراسي العربية مبقلظة و ماباعرفش اقعد مرتاح فيها لاني طويل شوية

هاجيب تابلوه كورسا كمان شوية.

العربية مش محتاجة حاجة من بره و شكلها مش وحش.

سؤال بقي

هل اللي انا عملته ده يخلي العربية دي تمشي مشاوير صغيرة في المدينة (حلوان -مايو يوميا للي يعرف المسافة) و ماتتعبش مني.

طب لو حبيت اسافر بيها مرة واحد في السنة لمطروح - انا عارف انها مغامرة - لو انا عامل فيها كل اللي انا عامله ده , تتعب مني برده ولا لا.

انا عارف ان فيه ناس هاتقول ماتصرفش عليها علشان ما تستاهلش , انا هاصرف عليها علشاني انا مش علشان العربية.

و اخيرا لو المهمة دي هاتنجح هاتتكلف كام

انا اسف طولت عليكم.

رد: فيات 128 ........ بصوا بقي علشان انا تعبت

غلطاااااااااااااااان

رد: فيات 128 ........ بصوا بقي علشان انا تعبت

اقتباس:

المشاركة الأصلية كتبت بواسطة the masked (المشاركة 1013817)

سؤال بقي

هل اللي انا عملته ده يخلي العربية دي تمشي مشاوير صغيرة في المدينة (حلوان -مايو يوميا للي يعرف المسافة) و ماتتعبش مني.
لا ياباشا ما تتعبش منك طالما انت محافظ عليها وخاصة فى الطرق غير الممهده وتاخذ المطبات براحة
وطالما انت مهتم بالعربية وايدك فيها باستمرار مش هتقصر معاك ان شاء الله

طب لو حبيت اسافر بيها مرة واحد في السنة لمطروح - انا عارف انها مغامرة - لو انا عامل فيها كل اللي انا عامله ده , تتعب مني برده ولا لا.
سافرت براحتك 10 مرات مش مرة واحد بس اهم حاجة قبل ما تسافر
1- تراجع مستوى مياه الردياتير
2- تراجع مستوى الزيت
3- تضبط ضغط الإطارات
4- يكون معاك إستبن وكوريك وصليبه
5- ولو عرفت يكون معاك سلك دبرياج للطوارئ يبقى تمام

انا عارف ان فيه ناس هاتقول ماتصرفش عليها علشان ما تستاهلش , انا هاصرف عليها علشاني انا مش علشان العربية.
لو هتخليها معاك فترة اصرف ياباشا ولا يهمك من كلام الناس

و اخيرا لو المهمة دي هاتنجح هاتتكلف كام
مش فاهم قصدك اية اللى يتكلف كام ؟؟؟؟؟

انا اسف طولت عليكم.

الرد فى الإقتباس

رد: فيات 128 ........ بصوا بقي علشان انا تعبت

طب ما تجيب حاجة اغلى شوية واحدث .. وكدة كدة انت ح تصرف وانت فاهم وعارف لانك بتقول ( انا عارف ان فيه ناس هاتقول ماتصرفش عليها علشان ما تستاهلش , انا هاصرف عليها علشاني انا مش علشان العربية ) طب ما تدفع اللى معاك تمن العربية ال 128 يعنى وكمان الفرق اللى حتصرفة فى حاجة احدث وافضل وحالتها افضل .. دى رأيى .. وربنا يوفقك وييسر لك الحال

رد: فيات 128 ........ بصوا بقي علشان انا تعبت

بص يامعلم سيبك من كلام الناس

انا معايا 128 وزي الفل بس يوم لما بشتكي منها بيبقي بسبب نقص مية ريداتير ومشاكلها بسيطة بس المهم انك تتعامل مع ميكانيكي كويس

128 حلوة وتستحمل اوي وقطع غيارها موجودة ورخيصة وصغيرة تساعدك في الركن

بس هي ماشاء الله عليها المهم تكون حالتها كويسة بس واتكل علي الله :)