السلام عليكم ورحمةالله وبركاته

ممكن حد يقولي الماتريكس إيه عيوبها وهل هي عربية بتعيش وهتحافظ على حالتها ولا هتتعب كمان سنتين تلاتة
ومقارنة بينها وبين النترا والسيراتو من ناحية اسعار قطاع الغير ووالصيانة ومن ناحية الاحتفاظ بالحالة الجيدة ل مدة طويلة.

ولا اسبني من كل ده واجب الياريس

أنا بصراحة محتار مش عارف أجيب إيه

المشاركة الأصلية كتبت بواسطة AboNoRa (المشاركة 82362) بص الكورى عامة اعتماديتة بقت تنافس اليابانى دلوقتى فاى عربية من دول هتقعد معاك باذن الله 5 سنين عادى بدون مشاكل مؤلمة بعد كده محافظتك على الصيانة الدورية وانواع قطع الغيار اللى بتجيبها وطريقة استخدامك هى اللى ممكن تخلى العربية تتعب فى 10 سنين او حتى عشرين سنة بالانسبة للانترا والماتريكس نفس الموتور والمكونات متاشبهه الى حد كبير ونفس الشىء بالنسبة لقطع الغيار والصيانات لكن الماتريكس مميزة اكتر بالسعة الداخلية والعملية كسيارة اسره فى المقام الاول فلو مش محتاج المساحة ديه يبقى افضل تجيب الالنترا اما بالنسبة لليارس فصعب افضلها على باقى العربيات تماماً او استبعدها لانها تتوقف عليك انت نفسك فمثلا لو انت بتحب تركب تويوتا وبالنسبالك الاسم كفاية ومش يهمك اوى حجم الموتور او بتحب المواتير الصغيرة يبقى اليارس اختيار صائب بردو لكن لو الاهم عندك الفئة وحجم الموتور والاداء عامة والاقتصادية يبقى النترا افضل

المشاركة الأصلية كتبت بواسطة ELGABRY (المشاركة 82365) وعليكم السلام ورحمه الله وبركاته حضرتك لو بدور على حاجه عائليه يبقى ممكن رينو لوجان 7 راكب انما لو حاجه سيدان فالسيراتو فيها كل اللى انت عايزه وربنا يوفقك