2107
 

حد غير مروحه الرداتير ل لادا 2107
لان لما فكرت في الموضوع بصيت علي الموتور لقيت ان الجزا. اللي هتركب عليه المروحه مباشره علي الموتور. مش في المنتصف
وبالتالي علشان تتركب المروحه علي السير وتلف مع الموتور هتحتاج شغل كتير
زي ترحيل ماسوره تبريد الرداتير وزي تغيير مكان البطاريه

حد له خبره

رد: 2107
 

لا ابدا مش هتحتاج اى شغل فى اى حاجة،،، لكن نصيحة لو المروحة الكهرباء اللى عندك عاوزة تتغير يبقى تركب واحدة تانى كهرباء مش ميكانيكية على سير

رد: 2107
 

المروحة الكهرباء شغالة ومفيش مشاكل منها حاليا
قبل كده كان الكهربائي غير الشربون (2)

المشكلة الصيف قرب
والعربية فى الاشارات او الزحمة بتسخن
ولما بتسخن بتبرجل و بتقطع

ممكن اعرف من حضرتك ازاى لو اتعمل التغيير مش هضطر اغير او اعدل
؟


الاختيار الثانى انى ابدل المروحة بالقميص بمروحة من نوع اقوى
و كان الاقتراح بمقيص ومروحة تكييف الاكسنت
؟

شكرا لرد حضرتك
وفى انتظار التفاصيل

رد: 2107
 

طبعاً مفيش كلام بعد كلام أستاذنا مستر أسترا
و رشحلك المروحة الكهربا علشان بتشتغل مع الترموستات بناءاً على حاجة العربية, يعنى لو باردة متشتغلش, سخنة تشتغل.
و فيه ناس بيعملولها مفتاح دايركت علشان لو الترموستات علق أو فى الزحمة يشغلها على طول بس ده ممكن يأثر على موتور المروحة.
المروحة على الطنبورة أسهل و مالهاش أى مشاكل و بالفعل بتخلى العربية متسخنش
بس مشكلتها إنها شغاله على طول, بمعنى إنها هتبرد العربية على طول حتى فى عز الشتاء
و ده بيخلى العربية طول ما هى باردة بتاكل بنزين, بس ده اللى كانت شركة أوتوفاز منزلاه فابريكا مع الـ 2105, طبعاً الوضع إختلف مع الـ 2107
سواقين اللادا التاكسى بيعملوها و بييجوا فى الشتاء و يحطوا كارتون أمام الريداتير , بين الريداتير و الشبكة الأمامية (يغطوا نص الريداتير يعنى) علشان التبريد يقل شوية فى الشتاء, و فى الصيف طبعاً يشيلوا الكارتونة.
تركيبها سهل, مروجة 8 ريشة (الفابريكا كان 4 ريشة) على طنبورة سير الدينامو و بتتربط بـ 3 مسامير حلو جداً و شكراً.

رد: 2107
 

المشكله ان الطنبوره في ال2107 هتكون مايله تجاه اليمين
مش في المنتصف
وبالتالي لو ركبت المروحه علي الموتور هتخبط في حاجتين
هتخبط في خرطوم تبريد المياه الخارج. الموتور للرداتير
و هتخبط في البطاريه

ده اللي في عربيتي ال2107 المصري. لسنه 2007 م

ارجو الافاده