رايكم في رينو كليو موديل من 2000 ل 2003 ؟!!
 

السلام عليكم
انا دورت كتيييييييييير اوي في العربيات لحد ما زهقت و احترت بين حاجات كتير
بس حاليا عجباني اوي الرينو كليو موديل من 2000 ل 2003 تقريبا
هقولكوا احتياجاتي ايه من العربية و قرروا معايا ع الاساس ده
1/ تنفع ل 5 افراد
2/ عالية عن الارض
3/ تستحمل مشوار او اتنين في الاسبوع في شوارع متكسرة
4/ قطع غيار و صيانه معقوله و صاجها يستحمل لان دي اووووول عربية ليا و انا معلوماتي صفر
5/ مش عايزة كماليات كتير يعني تكييف و باور و عربية امان و خلاص
6/ طبعا انا و لا هجري و لا حاجه فكرة العربية بالنسبه لينا مش اكتر من حماية من المواصلات

فا اولا عايزة اعرف مميزات الكليوو عيوبها و مشاكلها ايه و تنفع لبنت و حد اول مرة يتعامل مع عربيات و لا ؟؟؟

ثانيا لو حد ينفع يقارنلي او يقولي رأيه ع الاقل في العربيات دي و هيكونوا مناسبين اكتر و لا الكليو ( فولكس بولو 98 .. فيات سيينا .. دايو لانوس *بس اعرف انها قريبة للارض *.. اوبل كورسا .. فيات بونتو )

و المبلغ المتاح بالكتييييير 40 الف فا يجيبوا اي نوع منهم حالتها حلوة متتعبنيش و موديل كام ؟ بالذات الكليو
و يبقي احسن لو اقل 2000 كدا عشان اصرف منهم ع العربية بما انها استعمال

بجد اسفه ع الرغي ده بس من كتر ما دورت و زهقت و حبيت اوضح الصورة كامله

رد: رايكم في رينو كليو موديل من 2000 ل 2003 ؟!!
 

55 مشاهده.. و مفيش و لا رد !!!

رد: رايكم في رينو كليو موديل من 2000 ل 2003 ؟!!
 

الرينو كليو عربية كويسة وتنفع لبنت او لسيدة وناعمه وعالية عن الارض
والله اعلي واعلم

رد: رايكم في رينو كليو موديل من 2000 ل 2003 ؟!!
 

شكرا لرد حضرتك
طيب بالنسبه لقطع الغيار و الصيانه في اسكندرية هيبقي سهل .. و كمان ايه أحسن موديل في المبلغ ده
و لو هختار بين الكليو و فولكس بولو 98 يبقي ايه اﻷحسن و بولو هتخبط في المطبات و لا لأه .. و هل في بولو اتوماتيك 98 .. و لا كده صاحبها مغير فيها و تبقي وحشة و ابعد عنها

رد: رايكم في رينو كليو موديل من 2000 ل 2003 ؟!!