اغرب مقارنة ! ارجو المشاركة بجدية
السلام عليكم ,
هذه يمكن تكون اغرب مقارنة لكن من حيرتى لم اتردد فى السؤال بما اننى اتصفح منتداكم الرائع من فترة ! المقارنة بين كيا بيكانتو (جديد) و BMW 316i 1993-4 (مستعمل) هل اشترى عربية جديدة بحوالى 62 الف بدون كاسيت ! ام اشترى عربية المانى بها كل ما اريد و تقريباً نفس السعر لكن مستعمل ؟؟! ارجو المشاركة بجدية و شكراً مسبقاً |
رد: اغرب مقارنة ! ارجو المشاركة بجدية
ده يتوقف علي حالة ال BMW و توفر قطع غيارها و مقدرة حضرتك علي تحمل اي مصاريف فجائية ممكن تتطلبها
|
رد: اغرب مقارنة ! ارجو المشاركة بجدية
البيكانتو الجديد عربية هتركبها لمدة من ثلاث الى خمس سنين و انت بتعمل لها الصيانة العادية و تديها زيت و بنزين و خلاص و مريح دماغك من اى مشاكل فى العربية الا لو لا قدر الله عملت حادثة ولا حاجة ربنا يحفظك و يحفظنا جميعا يا رب
و طبعا قطع غيار و مصاريف صيانة ارخص بكتير و فى مقابل ترييح دماغك هتركب عربية ذات اداء اقل و امكانيات محدودة طبعا بالمقارنة بالبى ام اما لو اشتريت البى ام موديل 15 سنة فاتو و خلى بالك من( 15 سنة فاتو ) دى .. فاللى هتستمتع بيه هو متعة القيادة و الاداء العالى و الممتاز (و ده طبعا بيعتمد على حالة العربية) و اما الاعطال بقى انت و حظك .. ممكن فجأة تلاقى الدينامو باظ .. الجير بيتكتك الموتور عاوز عمرة ,, المساعدين فيها كذا .. الكاوتش مش عارف ايه .. يعنى هتعيش حياتك شوية مع المكانيكة و ممكن تظهر مفاجآت فى العربية حتى لو حالتها كانت حلوة و انت شاريها و ده طبعا لأنها مستعملة قبلك 15 سنة و انت ماتضمنش اللى كانت معاه كان بيستعملها ازاى و عيش حياتك بقى مع اسعار قطع الغيار فا شوف انت بقى يا باشا .. ايه اللى يهمك ,, عاوز عربية توديك و تجيبك و تبقى حاجة عملية معاك و تأدى الغرض و لا يهمك اكتر متعة القيادة و الاداء العالى مع مصاريف اكتر و احتمال الاعطال اكتر ؟؟؟؟ و طبعا فى الاخر يا باشا صلى استخارة و ربنا يكرمك بعربية كويسة ان شاء الله |
رد: اغرب مقارنة ! ارجو المشاركة بجدية
انا من رائى الاستاذ bmkbmk
و خصوصا انى كان ليا تجربه فاشله مع بى ام موديل 93 318 طلعت عين اللى خلفونى و مصاريفها كتييير |
رد: اغرب مقارنة ! ارجو المشاركة بجدية
حورس وكيمو قالو الخلاصة
فكر كويس وشوف الحالة المناسبة واسعار قطع الغيار ده بالنسبة لل BMW لكن بالنسبة للبيكانتو انا لو منك دور على كسر زيرو اوفر |
الساعة الآن 07:59 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017