اثبات الفامية على الرخصة حد يقدر يحل لى المشكلة دى
 

قمت بشراء سيارة تيريوس موديل 2013 الفئة الثالثة وكانت عاملة 5000كم وتابعة لمرور شبرا ولأنى من الإسكندرية فبدأت مرحلة نقل السيارة من مرور شبرا الى مرور أبيس عملنا كل الأوراق وأصدروا لى تصريح سير لمدة 3 شهور مع رفضهم إثبات أن السيارة بها زجاج فيميه خلفى وجانبى وحتى يأتى ملف السيارة من القاهرة وإنتهى تصريح السير فمدوا المهلة 3 شهور أخرى تنتهى يوم 12 يونيو القادم وتعرضت لكمين مرور بيبحث فى السيارات اللى زجاجها فيميه وبصعوبة إقتنع الضابط بموقفى وأعطانى الرخص ، والسؤال الآن :
1- لو الملف ما جاش من مرور شبرا حتى الآن وبعد مايدونى مهلة ثالثة ، ما هو الحل ؟
2- مشكلة زجاج السيارة اللى المرور رافض يثبته إلا لما ييجى الملف وهاعمل ايه لو تعرضت لسحب الرخصة بسبب ذلك ؟

أفيدونى أفادكم الله

رد: حد يقدر يحل لى المشكلة دى
 

انا رأي تعمل محضر في اقرب قسم تثبت فيه الحاله وتقديمه لاي ضابط عند السؤال
وضبعا انت مش هتعمل محضر في المرور (الشرطة) لا...... محضر اثبات حاله لاخلاء اي مسؤلية في الظروف اللي بيمر بيها الوطن الايام دي

والله اعلي واعلم

رد: حد يقدر يحل لى المشكلة دى
 

لأ حضرتك أنا جايب من مرور شبرا كل حاجة من شهادة مخالفات ومن إن العربية غير مبلغ بسرقتها وكل الأوراق اللازمة فيما عدا ملف العربية الأصلى

رد: حد يقدر يحل لى المشكلة دى
 

ممكن حضرتك تلجأ لصاحب السيارة ويخبرك عن مكان شراء السيارة الاصلى ومن هناك ممكن حضرتك إذا وجد بعض التعاون ان تحصل على صورة من إفراج السيارة
ويوجد حل اخر هو الذهاب لمرور شبرا والبحث عن طريقة لتعجيل ظهور الملف ووصوله لمرور ابيس
يسر الله الامر إن شاء الله على افضل ما يكون

رد: حد يقدر يحل لى المشكلة دى
 

لو الترخيص المؤقت خلص حيعملولك تجديد ل 3 اشهر كمان و هكذا
ربنا يعينك فى مشاكل المرور