عاوز اشترى عربية فى حدودد 20 الف تنصحونى بايه بس عايزها حلوة بجد
 

عاوز اشترى عربية فى حدودد 20 الف تنصحونى بايه بس عايزها حلوة بجد و تتظبط و كدة بس الميزانية اخرها 20 23 الف .. و سؤال عل ينفع اجيب عربية bmw-e21 و اعدلها بحيث تبقى دبانة موديل 96؟ انا شفت عربية كدة على دوبيزل و ده اللينك بتاعهاhttps://egypt.dubizzle.com/ar/alexan...VyaG9vZD1jLTY= ارجو الافادة ارجوكو لان انتو ناس بتفهموا و انا ابيضضضضضض

رد: عاوز اشترى عربية فى حدودد 20 الف تنصحونى بايه بس عايزها حلوة بجد
 

يا جدعان انتو فين؟

رد: عاوز اشترى عربية فى حدودد 20 الف تنصحونى بايه بس عايزها حلوة بجد
 

رد: عاوز اشترى عربية فى حدودد 20 الف تنصحونى بايه بس عايزها حلوة بجد
 

يا ريت معلومات و صور عنها .. و اشكرك على ردك و اهتمامك اصل انا لسة جديد و محدش معبرنى :36_1_1[1]:

رد: عاوز اشترى عربية فى حدودد 20 الف تنصحونى بايه بس عايزها حلوة بجد
 

يا باشا مع أحترامى للأوبل طبعاً
و أكيد إحترامى لرأى الأخ محمد عبد الفتاح الكومى
حضرتك بتقول أدام حضرتك أبيض يبقى قدامك حل من 2
1- معاك مبلغ محترم تجيب بيه عربية زيرو (بس القسط حرام + مقرف بإلتزاماته + هيخلى العربية سعرها يزيد مرة و نص), و الـ 20 ألف مش هيبقى مقدم لعربية عالية برضه
2- تجيب حاجه مستعمله, و دى هتطلب منك صيانه من حين لآخر حسب حالتها
و بما أنك لسه معندكش خبرة يبقى الأفضل تجيب حاجه منتشرة و صيانتها سهله و قطع غيارها متوفرة و رخيصة , و يوم متزهق منها أو تحب تعلّى لموديل أفضل تبيعها بسهوله
خليك فى إطار الفيات و اللادا و ممكن الماروتى
فى الفيات المبلغ اللى معاك يجيب 128 حالتها ممتازة, و ممكن تجيب ريجاتا ( و دى أفضل بس المهم حالتها تكون كويسه)
و ممكن تجيب لادا 2105/2107 تسعينات و برضه المهم الحاله
و أخيراً السوزوكى ماروتى موديل 1999-2002 حسب الحاله و ظروف البيع

فى حاجات تانية ممكن نكتب لك فيها قصايد شعر زى المازدا 323 و الفولكس جولف 1 و الكرسيدا و غيرها بس صدقنى الحاجات دى علشان تصلح فيها حاجه هتتعذب و لما تبيع هتلاقيها تقيلة شوية فى البيع (مقارنة باللى رشحتهولك)