مصر موتورز مجتمع السيارات - لما بمشي بالعربيه بحس انها بتنتش

مصر موتورز مجتمع السيارات (https://www.masrmotors.com/vb/index.php)

- سوزوكى Suzuki (https://www.masrmotors.com/vb/forumdisplay.php?f=33)

- - لما بمشي بالعربيه بحس انها بتنتش (https://www.masrmotors.com/vb/showthread.php?t=122786)

لما بمشي بالعربيه بحس انها بتنتش

يسعدني الانضمام اليكم بالمنتدي
أنا لسه جايب ماروتي موديل 2013
من شهرين
وحابب جدا أتواصل معاكو.
وعندي بعض الاسئله .....

السؤال الاول
لما بمشي بالعربيه بحس انها بتنتش
اول ما ادوس بنزين شويه
وخلي بالكم العربيه لسه جديده موديل 2013
وعامله 1000 كيلو بس
لاني ما بسفرش بيها ؟؟؟؟

السؤال التاني
العربيه كل شويه بتشتغل المروحه بتاعتها بتاعة التبريد
يعني تقريبا كل 4 دقائق او 6 دقائق او اكثر او اقل
هل ده طبيعي ولا لاء ؟؟؟

السؤال الثالث
لما باجي اسخن العربيه قبل ما اطلع بيها وخصوصا الصبح بلاحظ
خروج دخان اسود من الشكمان لحد ما تسخن
وخروج نقط من الماء كمان
هل ده طبيعي ولا لاء ؟؟؟؟؟؟

رد: لما بمشي بالعربيه بحس انها بتنتش

هي الاسئله صعبة ولا ايه ؟؟؟؟؟
افيدونا افادكم الله

رد: لما بمشي بالعربيه بحس انها بتنتش

يا جماعه اللي بيفهم في الماروتي يرد عليبا

رد: لما بمشي بالعربيه بحس انها بتنتش

بارك الله لك فيها و متعك بخيرها و صرف عنك شرها
بص يا باشا
الموضوع بتاع الدخان الإسود صباحاً و المياه إللى بتقطر من الشاكمان ده طبيعى جداً بل و يدل على سلامة المحرك و عملية الإحتراق للوقود
بالنسبة للنتشة و أنت ماشى ممكن أوى يكون أبلاتين لدع
لو ليك فى الميكانيكا بسيط هأقولك تعمل إيه:
تفك الكلبسين بتوع كوز الإسبراتير (إللى طالع منه سلوك داخله على البوجيهات) و هتلاقى جواه أبلاتين (جزء ميكانيكة يعمل على تقطيع التيار الكهربى و هو عبارة عن قاعدة و مطرقة) هتفتح الطرفين بتوعه بأى مفك و لو لاقيته شايط أو علية بقعة إحتراق بيضاء من إنتقال الشرارة الكهربية, هتجيب حتة صنفرة ناعمة جداً(350/400 زى بتاعة الدوكو و تصنفر بيها طرفى الأبلاتين و هو راكب مكانه) و ترجع تقفل الكوز و الكلبسات بتاعته و شكراً

لو مليكش فى الميكانيكا أدخل على أى صبى ميكانيكى يعمل لك إللى بأقولك عليه بس المهم ميفكش الأبلاتين (معرفش ده يأثر على الضمان فى التوكيل و لا لأ) و الموضوع مش محتاج فك و لا مصنعيه. و إديله 5 جنية و تبقى عامل معاه أحلى واجب كمان.

آخر حاجة : موضوع المروحة بتشتغل و تفصل كل ؟؟؟ دقائق ده متحطوش فى دماغك
المهم تتابع مستوى مياة الريداتير و لو هتزود تزود و العربية دايرة (مش مبطله)
و تتابع مؤشر الحرارة فى التابلوه , ده الأساس و سيب المروحة تعمل إللى عليها براحتها, هيا راكب لها ترموستات زى بتاع الثلاجه (برضة الثلاجة كل شوية بتلاقيها بتشتغل و تفصل) بس المهم إنها تكون بتبرد .

رد: لما بمشي بالعربيه بحس انها بتنتش

جزاك الله كل خير اخي الكريم لهذه المعلومات القيمه
وان شاء الله اشوف موضوع الإسبراتير وابلغك باللي عملته