سؤال ابيزاوي خالص
 

كنت عايز اعرف من اهل الخبرة بالابيزا ايه الفرق بين ابيزا 98 و99 وهل بينزلوا ببور وتكييف وزجاج وايه اخبار البور ناعم ولا لا وطب ولو من غير بور بيبقي حالة الدركسيون ايه تقيبل ومقرف ولا هاف بور ولا ايه النظام

رد: سؤال ابيزاوي خالص
 

اللى اعرفة يا شنجى باشا ان الباور فى العربيات الصغيرة مش مهم اوى ومش مؤثر جامد زى ما فى العربيات الكبيرة انا شخصيا افضل اذا كانت عربية صغيرة مفيهاش باور تتساب فابريكا احسن ما العب فيها وواحد يعكلى الدنيا وموضوع الباور ده بتضيع فيه ارواح لا قدر الله وبردو اسائل الناس اللى معاهم العربية ياكدولك المعلومة اذا كان الابيزا تقيلة فعلا من غير باور ولا لاء

بس نصيحة متاخودش بكلام الناس اللى بتفتى بمزاجها واسال ناس مجربة وحكم عقلك

رد: سؤال ابيزاوي خالص
 

كويس انك بتتكلم و ترد علي نفسك .


............
بس يا استاذ شينجي مافيش فرق بين ال 98 و 99
لكن في فرق بين ال 94 و98
ال94 فيها موتور الجولف 2 و كابيراتير و اكصداماتها فيها حليه سوداء و الكماليات علي حسب العربيه نفسها
انا عن نفسي ماشوفتش منها غير عربيه واحده التكييف بتاعها اوريجنال و الباقي كانت متركب ..

ال98 موتورها 1000 و 1400 سي سي انجكشن ولكن ال1000 هو المتوافر في مصر بكثره
فيها تغيير في الاكصدام بيكون دائري بعض الشئ
استهلاك الوقود اقل من ال94 لكن قطع غيار اغلي و اكثر تعقيدا من ال94.
تنزل باور و زجاج كهربائي امامي فقط و كتير منها فيه تكييف.
بالنسبه لدركسيون ال 94 فهو تقيل مش خفيف يعني لازم دايما ايدك الاتنين علي الدركسيون و انت بتلف
و مافيش حاجه اسمها هاف باور و باور
العربيه يا أما باور و دا معناها فيها كمبروسر و طلمبه باور و خزنه الدركسيون باور يا اما ما فيهاش
مصطلح نص باور دا اطلقه المصريين علي السيارات اللي خزنه الدركسيون بتاعها تعمل بنظام الجريده و النبيون(اسكترا) و دي اول ما نزلت في ال 128 وال 131 و كانت الناس متعوده علي دركسيونات ال124 و ال 125
فأطلقوا علي العربيات دي هاف باور كمصطلح للتجار لترويج سلعتهم.

و اي سؤال انا تحت امرك

رد: سؤال ابيزاوي خالص
 

شكرا ليك يا مان وانا معجب اوووووووووي بالسطر الاخير اللي قولتله ودا كلام في الصميم

رد: سؤال ابيزاوي خالص
 

شكر ليك يا استاذ حازم افدتنا والله بس ليا سؤال تاني دا بعد اذن حضرتك يعني اهم شئ 98 بتنزل كلها بور دا اكيد وزجاج كهرباء