الفرامل بقت في الضياع مره وحده
 

السلام عليكم
عندي مشكلة ظهرت النهارده الفرامل مر هواحده بقت تقيله اوووي وادوس فرام اسمع صوت الماتور زاد اكني مزود بنزين وبقا فيه صوت كانك في بلي سايب في حاجة وبيلف يخبط بيها صوت ضعيف بس مبيطلعش غير لما ادوسس فرامل

ولما بمشي الفرامل مبقتش كويسه بقت بتاخد فترة عقبال ما العربيه تفرمل غير الاول طبعا وساعات وانا دايس فرامل بسمع صوت طقطقه ناحيه الكوتشات
اظاهر ثنيه مش ناويه تجيبها البر معايا ونقعد اسبوع من غير مقالب ثنيه :fun_36_1_30[1]:
لو ممكن يكون السبب من ايه قبل ما اروح المدينه الصناعيه وتدوير وافتكاسات المدينه الصناعيه :1336:

رد: الفرامل بقت في الضياع مره وحده
 

متابع معاك ...

فيه احتمال كبير يكون خرطوم السيرفو فيه مشاكل

رد: الفرامل بقت في الضياع مره وحده
 

كما تفضل اخونا الفاضل ahmed_eng2001 خرطوم السيفو اكيد فالت من مكانة او مشقق

رد: الفرامل بقت في الضياع مره وحده
 

شكرا لي الردود انا غيرت الخرطوم وبرده نفس المشكلة روحت كشفت علي العربيه الميكانيكي قالي المشكلة في السيرفو بتاع الفرامل وممكن امشي بيها كده الفرامل كويسه هيا محجره شوية الدوسه بتاعت الفرامل بس شغالة
هو السيرفو بيتصلح ولا يتغير احسن ولا امشي بيه هو الفرامل الدوسه بقت تقيله لاكن العربية فرامل كويسه بس صوت الماتور بيتغير واسمع صوت لما ادوس فرامل
ولو هيتغير استيراد خارج افضل ولا الجديد وشكرا لكم مقدما

رد: الفرامل بقت في الضياع مره وحده
 

السيرفو بيتصلح عادى
بتاع فرامل محترم يفك السيرفو ويغير الطاقية ويغير الـ اويل سيل ويشحم الصباع هايرجع كويس ان شاء الله