طريقة عمل اضاءة تلقائية لدرج تابلوة لانوس .. بالتفاصيل والصور
كتير مننا بييجى علية وقت بالليل وهو سايق او وهو واقف بيبقى عايز يطلع حاجة من درج التابلوة
وللاسف عشان درج تابلوة الانوس بينزل من غير اضاءة فيضطر انة ينور نور الصالون ويدور على نورة وياسلام لو نور الصالون ضعيف شوية يفضل يلوش بصوابعة لحد ما يشوف او يلاقى الحاجة اللى هوة عايزها وبيدور عليها طبعا اللى عايز يحل المشكلة دى بيجيب شريط لدات ويلزقة فى التابلوة ويوصلة للضفيرة بتاعة العربية بحيث ينور مع اول تكة فى الدراع ( النور الصغير) وهوة بصراحة حل سريع ومنجز بس بدائى وفية كام ملاحظة 1 - ان شريط اللدات اللى انت عملتة فى الدرج هيفضل منور علطول فدة هيقصر عمر شريط اللدات نفسة وكل شوية تلاقى نفسك عمال تغير شرايط 2 - ان درج التابلوة لو مش بيتقفل كويس هتلاقى النور طالع من جوة ضارب فى عينك وانت سايق بالليل 3 - لو انت جيت تفك درج التابلوة وتطلعة برة عشان تعمل اى حاجة لازم تفك السلوك واللزق اللى عليهم وبعد ما تخلص اللى انت عملتة ترجع توصل السلوك وتلزق عليهم تانى ( شغلانة يعنى) ففكرت انى اعمل الشغلانة دى ( اضاءة درج التابلوة ) بس بشياكة شوية يعنى افتح الدرج النور ينور ....اقفل الدرج النور يطفى .....وفى نفس الوقت لما اجى اطلع الدرج خالص من مكانة واركبة تانى يبقى نظام فيش فك وتركيب مش سلوك ولحام وعك وكدة الفيش امرها سهل هتبقى كلبسات دكر ونتاية الفتح والغلق التلقائى ملقتليوش حل غير مفتاح باب التلاجة اللى ب 2ج اخر حاجة هيا كنت هثبت مفتاح باب التلاجة فين فكيت درج التابلوة الاول وطلعتة من مكانة عشان ابص على المكان اللى هينفع يركب فية مفتاح باب التلاجة http://www8.0zz0.com/2013/10/30/16/830501073.jpg وحاولت اتخيل مكان يتثبت فية المفتاح ويبقى اللسان بس هوة اللى طالع لبرة عشان يصد فى الدرج لما يتقفل لقيت نفسى فى كل الحالات لازم اخرم فى فبر التابلوة وفى الواقع انا معنديش اى مشكلة انى اخرم واعدل فى الفبر بس بصراحة الشغلانة كانت بسيطة ومش هيا دى اللى الواحد يخرم ليها لحد ما خدت بالى من فتحة مستطيلة موجودة جاهزة فى الفبر من تحت http://www8.0zz0.com/2013/10/30/16/879451112.jpg جربت المفتاح فيها لقيتة ركب مرتاح جدا http://www8.0zz0.com/2013/10/30/16/935588470.jpg http://www3.0zz0.com/2013/10/30/16/252253777.jpg ومع تركيب السلوك فى المفتاح ولفة بشريط عازل هيبقى تخن شوية فلما اجى ادخلة هيكون بيدخل حشر فى مكانة يعنى مش محتاج اى تثبيت من مسامير او خلافة وفعلا دة اللى حصل بعدين خدت الدرج وغسلتة ونضفتة الاول http://www3.0zz0.com/2013/10/30/16/847894407.jpg وفية كلبسين بلاستيك فى الجنب بيقفلوا اللسان الصغير الموجود فية فكيتهم بصوابعى عادى جدا http://www3.0zz0.com/2013/10/30/16/977033419.jpg وجبت امير عشان يبقى لزق اشد فوق اللزق الذاتى اللى بيبقى جاى مع شريط اللدات لان اللزق اللى بييجى مع شريط اللدات بيبقى دبل فيس رفيع قوى وبيفك من الحرارة http://www2.0zz0.com/2013/10/30/16/731728766.jpg ورحت العربية وجبت المفتاح والكلبسات عشان ابدأ توصيلات http://www2.0zz0.com/2013/10/30/16/142277512.jpg وعشان تبقى متابع معايا وفاهم انا هخلى توصيل المفتاح بالدرج بكلبسات ملونة دكر ونتاية عشان لما افك الدرج واركبة متلخبطش بين السالب والموجب وبعدين هاخد طرف من المفتاح وطرف من اللدات على الكهرباء علطول والطرف التانى من المفتاح مع الطرف التانى من الليد دايرة كهربية عبيطة قوى يعنى http://www2.0zz0.com/2013/10/30/16/245036925.jpg http://www12.0zz0.com/2013/10/30/16/874180941.jpg http://www12.0zz0.com/2013/10/30/16/975711634.jpg http://www12.0zz0.com/2013/10/30/16/893086709.jpg http://www10.0zz0.com/2013/10/30/16/100187330.jpg وفكيت الفبرة بتاعة الكاسيت وطلعت الكاسيت والتجويف اللى تحت منة ودرج حامل الاكواب ببساطة مكنتش عايز العب فى الضفيرة كنت عايز اخد من طرفين نور اللى بينورا درج الطفاية بتاعة السجاير عشان ملعبش فى الضفيرة لان دول بينورا مع النور الصغير http://www10.0zz0.com/2013/10/30/16/904832625.jpg http://www6.0zz0.com/2013/10/30/16/884701886.jpg http://www6.0zz0.com/2013/10/30/16/947541866.jpg http://www6.0zz0.com/2013/10/30/16/928273017.jpg وبالمرة انا شغال عملت اضاءة للتجويف اللى تحت الكاسيت http://www4.0zz0.com/2013/10/30/16/707197357.jpg ولقيت اللمبة الصغيرة بتاعة درج طفاية السجاير محروقة فغيرتها http://www7.0zz0.com/2013/10/30/16/767132572.jpg وظبط السالب والموجب بتاع شريط اللدات مع السالب والموجب بتاع الضفيرة وبدات اقفل http://www7.0zz0.com/2013/10/30/16/227996578.jpg http://www7.0zz0.com/2013/10/30/16/524187027.jpg وقفلت كل حاجة وبدات اختبر وطلعت كلة تمام افتح الدرج النور ينور اقفل الدرج النور يطفى التجويف اللى تحت الكاسيت بقى منور ودرج طفاية السجاير بقى منور ودى صورة وانا مشغل الفلاش بتاع الكاميرا http://www4.0zz0.com/2013/10/30/16/738364706.jpg ودى صوة تانية ونا طافى الفلاش بتاع الكاميرا http://www4.0zz0.com/2013/10/30/16/926568316.jpg اضاءة الدرج جامدة قوى وشديدة الصراحة والذ حاجة انى عملتها تلقائى مش منور علطول بشكل بدائى وتمت بسرعة وبحمد الله ولو اى حد محتاج استفسار انا حاضر http://www2.0zz0.com/2013/10/30/16/405228586.jpg |
رد: طريقة عمل اضاءة تلقائية لدرج تابلوة لانوس .. بالتفاصيل والصور
الله ينور عليك شغل جااااااااااااااامد والله
|
رد: طريقة عمل اضاءة تلقائية لدرج تابلوة لانوس .. بالتفاصيل والصور
السلام عليكم الله ينور عليك شغل محترم ويجعله في ميزان حسناتك ومنتظرين اكثر واكثر من مواضيعك المفيده والله المستعان |
رد: طريقة عمل اضاءة تلقائية لدرج تابلوة لانوس .. بالتفاصيل والصور
دائماً افكارك متجددة مثمرة مفيدة
بارك الله لك فى العلم والصحة والموهبه وسيارتك :BUTTER~183: |
رد: طريقة عمل اضاءة تلقائية لدرج تابلوة لانوس .. بالتفاصيل والصور
اقتباس:
متشكر جدا لحضرتك اقتباس:
وان شاء الله الموضوع القادم طريقة تغيير او اصلاح سربنتينة السخن فى الانوس اقتباس:
|
الساعة الآن 10:18 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017