|
لادا 2107 بتسخن بعد ال 100 ك
عربينى لادا روسى 2017 موديل 98 مشكلتها انها بتسخن لمة اجيب ال 100 واثبت عليها فترة اكتر من 10 دقايق قولت الابلاتين مقول ورحت ظبطة روحت لبتاع الريداتير قلى بيقلب وزى الفل مش عارف العيب دة من اية حتجنن خلاص بقيت خايف اجرى بالعربية ؟؟؟ ارجو النصيحة
|
رد: لادا 2107 بتسخن بعد ال 100 ك
شيك علي طرمبة المية
شيك علي عدم وجود تنفيس في دورة التبريد شيك علي سلامة سريان المياة في الدورة نظف الريداتير من الخارج |
رد: لادا 2107 بتسخن بعد ال 100 ك
طيب لو حضرتك ماشى على أقل من 100 (80 مثلاً) و لفترة طويلة , أخبار السخونه إيه؟
يعنى المشكله سخونه بوجه عام و لا سخونه بعد الـ 100 فقط؟ هل المشكله دى ظهرت بعد أى صيانه؟ و إتأكد من الحاجات إللى قالك عليها أخونا عمرو و راجع بالمرة على إتجاه تركيب المروحه (المفروض بتسحب الهواء من الريداتير إلى المكنه) لأان فى ميكانيكية بيركبوها بالعكس |
رد: لادا 2107 بتسخن بعد ال 100 ك
بص نصيحه لوجه الله علشان انا اتعكيت في موضوع السخونه ده لحد ما استويت
طالما السخونه علي سرعه يبقي الرادياتير مسدود خلي بتاع الرادياتير يسلكه حتي لو قلك بيقلب زي الفل ومش مسدود قولو ملكش دعوه فكه وسلكه وشيك علي خراطيم المياه لما تكون العربيه سخنه ممكن يكون في خرطوم بينشفط وبيقفل لما العربيه بتسخن يعني مدة صلاحيته انتهت بس سلك الرادياتير |
رد: لادا 2107 بتسخن بعد ال 100 ك
يوجد نسبة هواء في دورة المياه ولطرد الهواء افتح غطاء الرادياتير وشغل العربية وسيبها تسخن لغاية لما مروحة الرادياتير تشتغل وتشوف الميه بتقلب وتلاحظ فقاعات هواء تخرج ثم بفوطة مبلولة اعصر كوعة المياه العلوية لطرد اي هواء متبقي ثم اضف ماء للنهاية واغلق الغطاء وبعد برودة السيارة تماما زود علبة المياة حتي المنسوب ان شاء الله السخونة حتروح مع التاكيد علي ضرورة ان تكون الكهرباء سليمة
|
| الساعة الآن 04:29 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017