مصر موتورز مجتمع السيارات - باركولي يا جماعة اخيرا جيبت النترا زيرو

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - باركولي يا جماعة اخيرا جيبت النترا زيرو (https://www.masrmotors.com/vb/showthread.php?t=11854)

باركولي يا جماعة اخيرا جيبت النترا زيرو

الحمد لله جيبت امبارح النترا مانيوال زيرو من ابوغالي موتورز مدينة نصر

العربية ما شاء الله جميلة جدااا

بس فيها شوية حاجات كدا عايز اسأل عليها

1-السنترا لوك لما اقفل العربية الازاز مش بيقفل معاها
يعني الازاز بتاع العربية لازم اقفلة كلة بنفسي قبل ما انزل من العربية
يعني الازاز مالوش علاقة بالسنتر و دة حاجة غريبة مع ان خالي عندة الازاز بيقفل مع اللوك بتاع الريموت

2- كل ما افتح الباب او اعمل اي حاجة و المفتاح بيكون في الكونتاكت تفضل تشغلي انتظار كدا مش بيرضى يبطل غير لما اقفل الباب عايز اعرف دة بيتقفل منين دة

3- الاطارات نوعها هانكوك و ليس كومهو

هل الهانكوك افضل ؟
__________________

رد: باركولي يا جماعة اخيرا جيبت النترا زيرو

الف الف مبروك يا دكتور ربنا يديك خيرها و يحميك من شرها
الالنترا عربيه روعه الحقيقه ربنا يحمهالك

اقتباس:

1-السنترا لوك لما اقفل العربية الازاز مش بيقفل معاها
يعني الازاز بتاع العربية لازم اقفلة كلة بنفسي قبل ما انزل من العربية
يعني الازاز مالوش علاقة بالسنتر و دة حاجة غريبة مع ان خالي عندة الازاز بيقفل مع اللوك بتاع الريموت

اللي بيخلي الازار يطلع مع السنتر وحده الرفع
و دي بتبقي وحده لكل بابين ممكن يكون خالك مركبها او عربيته الاوبشن بتاعها اعلي.

اقتباس:

2- كل ما افتح الباب او اعمل اي حاجة و المفتاح بيكون في الكونتاكت تفضل تشغلي انتظار كدا مش بيرضى يبطل غير لما اقفل الباب عايز اعرف دة بيتقفل منين دة

دا الطبيعي عادي و يستحسن ما تلعبش فيه و تغيره

رد: باركولي يا جماعة اخيرا جيبت النترا زيرو

الف الف مبروك ياباشا ربنا يعطيك خيرها و تامن شرها

بالنسبه للزجاج ده صح كده لو عاوزه يطلع ركبلها وحدات رفع عند حد نظيف و انا افضلك عشم نوار اللى فى شارع دمشق

بالنسبه للكونتاكت ده طبيعى و الصوت ده مش بيتلغى خالص و ده علشان بنبهك ان المفتاح مازال داخل العربيه
3
الهانكوك و الكومهو واحد بس الافضل الهانكوك فعلا بيعيس اكتر من الكومهو بس الانتين كورى و طراى على العفشه

رد: باركولي يا جماعة اخيرا جيبت النترا زيرو

الف مبروك يا دكتور ... ربنا يديك خيرها ويكفيك شرها
موضوع الازاز اللي بيقفل من الريموت فده اوبشن حسب موديل العربيه ومعتقدش انه موجود في المانيوال ... عربيه خالك غالبا اوتو او خليجي
الجرس ده بيفضل شغال طالما المفتاح في الكونتاكت و الباب مفتوح ... وغالبا بيشتغل عند سرعه 120...
ممكن تخليهم يقفلوه مع اول صيانه ... بس مش حيبقى فيه اي جرس لاي حاجه
الكاوتش الهانكوك كان معايا و عمل 59 الف ... وغيرته بس لأني خفت امشي بيه اكتر من كده ...
اهم حاجه متقرصش على العربيه ولا تعلي الار بي ام جامد لحد اول صيانه...
وفي انتظار التقرير ...

رد: باركولي يا جماعة اخيرا جيبت النترا زيرو

ألف مبروك عليك العربيه ... وربنا يديك خيرخا ويكقيك شرها
أكيد مش حقدر أضيف شيء على كلام فطاحلة المنتدى ... كلامهم كله مظبوط وأنا من رأيهم

ألف مبروك مره تانيه .... وعقبال الرولزرويس إن شاء الله