طلب مساعدة فى تجديد الرخصةوالفحص
 

السلام عليكم
أرجو الافادة والمساعدة من الجميع .. مشكورين
اشتريت سيارة فيات 128 موديل 90 وعمللى صاحبها نقل ملكية بس ما مضيتش مشترى لسة عشان الرخصة لسة كانت سارية ، هاتخلص دلوقتى فى آخر شهر 9 ، ممكن أعرف ايه الخطوات اللى هاعملها بالظبط ، وهاتتكلف كام تقريبا
العربية الآن متسجلة فى الشهر العقارى باسمى بس ما مضيتش مشترى ، وكده كده هارخصها فى نفس المرور ، وهى نمر جديدة وانا عايز ارخصها لمدة سنة
ارجو الاجابة ولو فيها رزالة تبقى بسرعة
شاكر جدا للجميع

رد: طلب مساعدة فى تجديد الرخصةوالفحص
 

اذا تفضلتم حد يجاوبنى ..... اكون شاكر جدا

رد: طلب مساعدة فى تجديد الرخصةوالفحص
 

بالله عليكم منتظر اجابة عشان احتمال اروح المرور بكرة

رد: طلب مساعدة فى تجديد الرخصةوالفحص
 

المفروض ان حضرتك هتروح للشهر العقارى تانى تستفسر لانك هتبيع لنفسك وتروح المرور تنقل ملكية هناك تانى -مش عارف ان كان مشوار الشهر العقارى ضرورى ولا لا- بس الاساسى المرور وهتستخرج شهادة بيانات واخلاء طرف وهتفحص وتجدد المدة اللى انت عايزها من سنة الى ثلاث وتطلع الرخصة بس -مطلوب من حضرتم طول بال وصبر وكويس انك بدات من دلوقت علشان الزحمة . مطلوب منك فى الفحص طفاية وورق الامن الصناعى وكام اشتغالة الله يعينك ويوفقك.

رد: طلب مساعدة فى تجديد الرخصةوالفحص
 

الاخ الفاضل اعمل الاتي اولا : 1- الرخصه +صورنها وبطاقتك +صورتها + شهاده المخالفات غير منتهيه = 3-تشتري دوسيه نقل ملكيه من المرور = 2 - عقد مسجل باسمك من الشهر العقاري من صاحب السياره اللي اشترتها منه ليك = 4- تدفع التامين الاجباري في الكشك اللي في المرور وتشتري طفايه حريق برقم السياره = 5- اورنيك فحص من خازينه المرور وتروح لمهندس المرور اللي تبعه انت = 6 - هاتاخد البصمه علي الاورنيك وتفحص السياره عند مهندس المرور وتروح تقدم الاوراق اللي معاك لشباك نقل الملكيه والموظف هياخد منك الورق ويدفعك الضريبه وتستلم الرخصه من شباك الاستلام باسمك ان شاء الله وياريت تراجع البيانات الجديده بالرخصه مع صوره الرخصه السابقه بالتوفيق اعمل حسابك في 400 جنيه لما يكون معاك زياده احسن عشان مترجعش