مصر موتورز مجتمع السيارات - رجه عنيدة على السلانسية

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - رجه عنيدة على السلانسية (https://www.masrmotors.com/vb/showthread.php?t=117924)

رجه عنيدة على السلانسية

السلام عليكم
==============
بدون مقدمات, عندى رجرجه على السلانسيه, بالضبط كما لو كانت الكهربا عاليه بس أنا غلبت معاها
- الرجه على السلانسية بس, متقطعه (الـ rpm منتظم و فجأه يتهز مع رجرجه المكنه و يرجع تانى) و هوا العادم إللى خارج من الشكمان متقطع برضه مع الرجه.
- ظهرت فجأة بعد تغيير سير الكاتينه
- الميكانيكى إللى ركبه بيقولى : عاوز تضبط تاكيهات, رغم إنى ضبطها على دخول الصيف ده !!!
- رحت لميكانيكى تانى, راح معلى مسمار الهوا بقى مفتوح 5 لفات علشان يدارى الرجه بس لسه موجوده و المكنه بقت بتزعق. طبعاً ده مش حل, المفروض الهوا 2-3 لفات بالكتير.

* بقالى يومين آخد العربيه و أحاول أفهم الموضوع مش واصل لحاجه و قربت أتجنن و ماشى بأكلم نفسى, راجعت على الآتى:
1- نضفت الكربراتير بالإسبراى و فلتر الهوا و البنزين غيرتهم
2- غيرت أبلاتين و كوندنسر و ضبط الأبلاتين على الفللر 0.4 مم
3- قسمت كهربا من الأول, فكيت أول بوجيه و جبت الرابع و حطيت سلكه على راس البستم و حركت العربية لحد ما وصلت لأعلى نقطة, و لاقيتها الحمد لله مطابقه للعلامة إللى على غطا المحرك مع الترس الكبير إللى فى الوش.
4- غيرت طقم البوجيهات و كشفت على السلوك بتاعتها لتكون بتهرب

هل فيه أى سبب تانى؟ هل ممكن يكون فيه حاجه غلط فى تركيب الكاتينه؟؟؟؟؟

رد: رجه عنيدة على السلانسية

5- فضيت التانك من البنزين و حطيت بنزين 92 من بنزينه سمعتها كويسه

نسيت أكتب الخطوة دى

رد: رجه عنيدة على السلانسية

ضبط التقسيمة ................

رد: رجه عنيدة على السلانسية

اقتباس:

المشاركة الأصلية كتبت بواسطة romeoalmansour (المشاركة 913088)

ضبط التقسيمة ................

ضبط التقسيمة ده أنا شرحت أنى عملته (مرتين) و لاّ ليها طريقة ضبط تانيه, هل قصدك ضبط التركيب عند الميكانيكى؟
منتظر ردك

رد: رجه عنيدة على السلانسية

نعم انا قصدي تركيب الميكانيكي نفسه - وبالمناسبة لو قال ضبط التاكيهات خليه يظبطها برده بس روح عند ميكانيكي تاني عشان يكون محايد