مصر موتورز مجتمع السيارات - تجربتى المتواضعه مع اللانوس

بسم الله الرحمن الرحيم

احب اشاركم تجربتي المتواضعة مع عربيتي مع الأخذ في الاعتبار ان سيارتي السابقة هي نصر 127 سوبر فيورا مما يعني اني انتقلت نقلة كبيرة جدا

النوع : دايو
الموديل : لانوس 1
السنة : 2000
السعه :1500 سى سى
اللون : رمادى (دا اللى فى الرخصه بس مش عارف انا بحسه بترولى او زيتى ليه)
عداد الكيلو : 105000
ما اعجبني:
الوسع الداخلي جميل جدا مقارنة بالفيرنا صالونها يشيل افراد كتير وحموله كتير فى العربيه وفى الشنطه وتسافر بيها كمان وانت مطمن
درجة العزل المعقولة طالما انت على 90
قابليتها للترويش الشيك
الشنطة سعتها جيدة
عربيه فى السرعات العاليه بعد 120 رائعه كنت بوصل بيها لحد 190
اتزان جميل ومعقول جدا بالنسبه لعربيات تانى كتير فى سرعتها العاليه والمتوسطه لدرجه انى كنت بعمل بيها مناورات صعبه جدا على 170
مواتير معمره بتوصل فوق ال 300 الف كيلو عكس عربيات تانيه كتير اخرها 200 الف و 250 الف بالكتير اوى
طبعا سهوله تواجد قطع الغيار وسهوله تركيبها وتغييرها عند اى حد كمان
دا بالاضافه لرخص قطع غيراها بالنسبه لعربيات كبير كفايه ان ماتور الانوس ب 3000 جنيه والفرنا ب 7500 جنيه على الاقل وعمرك ما هتعرف تجيب ماتور فيرنا برده استيراد بنفس كفاءه مواتير الانوس
استهلاك للنزين معقول جدا ورائع تقريبا انا كنت بسافر وماشى 160 مثلا ومشعل تكييف وكانت بتعمل معايا 10 لتر فى اللتر

ما لم يعجبني:
خامات التابلوه والبلاستيك المستخدم لازم تسمع شويه تكتكه فى بعض الاحوال فهى سئيه بعض ما
العزل بحسه بيروح بعد 120 ودا من اسوء ما فيها
العربيه تسارعها فى البدايه ضعيف جدا بالنسبه لانواع تانيه كتير حتى بعد ما ركبت بوجيهات رياضيه
سرعه تلف بلى العجل لو انت مش بتخاف عليها اوى فى تحركاتك
العربيه بتوطى جدا عند الحموله لذا ينصح بتركيب علايات الدايو فى الخلف فقط ومش علايات الشاهين
مهما كانت الفوانيس الاماميه جديده اضواءتها فى الاماكن الضلمه وعلى الطريق اقل كتير من انواع اخرى

دة شويه من خلال خرتى مع الانوس الفتره اللى فاتت ولو حد من حضرات الاعضاء شايف حاجه ممكن يضيفها تانى يتفضل