مصر موتورز مجتمع السيارات - الطبه بتجيب مياه ... أعمل أيه؟

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - الطبه بتجيب مياه ... أعمل أيه؟ (https://www.masrmotors.com/vb/showthread.php?t=116927)

الطبه بتجيب مياه ... أعمل أيه؟

السلام عليكم
عندى مشكله لاحظتها بالصدفه
فيه طبة مياه فى دايرة التبريد إللى فى بلوك الموتور تحت الكربراتير لاقيتها بتجيب مياه و ده طبعاً بينقص المياه و أحتاج أزودها
سألت أعمل أيه؟ قالولى فيه حلين:
1- تفك الطبه و تخرط واحدة جديده عند الخراط بنفس المقاس, بس المشكله أنها تحت الكربراتير, أنا مش شايفها أصلاً علشان أعرف أفكها !!!
2- و ده الأسهل, تسنفر الشفه بتاعتها و تحط عليها (أرانديت)
- يعنى نسد الحرف بتاعها مع الموتور بالأرانديت.
حاولت أعمل الأرانديت مرتين بس فشلت, لأنى بأعملها باللمس و مش شايفها

فى بالى فكرة مش عارف هتنفع و لا لأ:
أحط عليها تافلون أو شعر كتان (زى السباكه بالضبط) و لا ده مش هينفع؟- بس برضه محتاج أفكها !!!

و لو هأروح لصنايعة أروح لميكانيكى و لا بتاع ريداتير؟

جزاكم الله خيرا

رد: الطبه بتجيب مياه ... أعمل أيه؟

السلام عليكم
لابد من فك الكربيراتير لتصليحها
واسلم حل خرط زيها وتركيبها ووضع سيليكون حراري حولين داير
لو تعرف تفك وتركب الكربيراتير لوحدك اعملها بنفسك
لو لاتعرف وديها لميكانيكي
والله المستعان

رد: الطبه بتجيب مياه ... أعمل أيه؟

افضل علاج توديها لميكانيكى حينطر الطبة البايظة و حتشترى اختها ب 5 جنيه و حيدقها مكانها و انسى

رد: الطبه بتجيب مياه ... أعمل أيه؟

اقتباس:

المشاركة الأصلية كتبت بواسطة احمد على 1999 (المشاركة 906905)

افضل علاج توديها لميكانيكى حينطر الطبة البايظة و حتشترى اختها ب 5 جنيه و حيدقها مكانها و انسى

ودا اسلم واحسن حل ان شاء الله

رد: الطبه بتجيب مياه ... أعمل أيه؟

الحمد لله
الميكانيكى إللى جنبى من أول رمضان معتكف فى البيت (زى شيخ الأزهر كده)
المهم بالصدفه لاقيته أول أمبارح واقف أمام الورشه و تقريباً الحكايه نشفت معاه و عاوز فلوس
قولتله توكل على الله و شوف الموضوع ده
قاللى روح هات طبه, بصراحه أنا كنت متعكنن من (خراطة الطبه) لأن معظم الخراطين عندنا كفتجيه
طبعاً فرحت لما لاقيتها بتتباع جاهزة , أخذت القديمة بعد ما فكها و رحت جبت واحده نفس المقاس و عليها جوانين فرن و جوان منافولد
و الميكانيكى عنده سيلسكون حرارى
ركب و كبس بالسليكون و غسل المنافولد و الكربراتير بالبنزين و ركب
و طبعاً نزلنا مياة الريداتير كلها و حطيت 5 لتر مياة مقطرة (من التكييف المنزلى)
لسه مشوفتش النتيجه لحد الآن بس لاحظت إن مؤشر الحرارة عالى شويه عن الأول, معرفش الجو إللى عامل كده و لا الراجل سد مجارى المياه زياده... ربنا يستر

جزاكم الله كل الخير