|
دواسة البنزين والطلمبة وعملها مع الغاز ؟
السلام عليكم ورحمة الله
العربيه فيرنا غاز وبنزين كنت غسلت العربيه من اسبوعين وغسلت المكنة بالجاز وتسبب فى ان امبير الغاز يدخله جاز على قول صيانة الغاز وقعد تنتش شويه وتفصل ومتسحبش كام يوم وبعدين رجعت كويسه مفيش مشكله الا حاجه واحده لما احول من بنزين الى غاز كان دواسة البنزين مش موجوده خالص واقعد اكارك كتير لحد ما الدواسه تجمع وتتحول الى غاز والامور تفضل طبيبعيه جدا مع العلم ان معيش بنزين ككل المصريين للاسف ولمبة البنزين منوره بقالها كام يوم هل ده سبب عدم استجابة الدواسة عند التحويل الى الغاز ؟ وايه مدى استمرار مشي بالغاز ولمبة البنزين منورة على طلمبة البنزين ؟ نرجو الافادة العاجله وشكرا جزيلا |
رد: دواسة البنزين والطلمبة وعملها مع الغاز ؟
طالما اللمبة منورة يبقى انت فى عداد النهاية يا استاذ دا لما العربية بتنور بنزين بتنتش وكمان ماشية بنزين بس مابالك انت بقى وخد بالك انت كدة هتبوظ الطرمبة وتمنها 1200 فى التوكيل وكل اللى برضة بايظ وعن تجربة
مون العربية ومعلش خد بيها مشوار حلو بتاع 80 كيلو بنزين وحط 92 مش 90 وهترجع زى الفل ان شاء الله |
رد: دواسة البنزين والطلمبة وعملها مع الغاز ؟
طب منين اجيب بس بنزين 92
انا من المنصورة حد يدلنى من فضلكم وحسبنا الله ونعم الوكيل |
رد: دواسة البنزين والطلمبة وعملها مع الغاز ؟
هو حضرتك المنصورة فيها ازمة بنزين قوية زى عندنا برضة انا من السويس وشوية شوية هنبوس ايد صحاب البنزينات عشان نمون نصف التنك بس ومبيرضوش يقولك هما 15 لتر عشان اللى بعدك ياخد وبصراحة بعزرة لانى ممكن واحد يكون محتاجهم فعلا
|
| الساعة الآن 07:41 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017