النجمه ابيزا 98
 

بسم الله الرحمن الرحيم
ديه أول مشاركاتي في المنتدي الرائع اللي لسه مكتشفه من يومين
أولا أنا عاشق للماركه العملاقه "" سيــــات"" بس عندي استفسارت بسيطه لو ممكن الاخوه في المنتدي يردوا عليا فيها.
1: ليه سيات مش منتشره في مصر بالرغم من قوه سيارتها وشكلها الرائع هل ضعف الوكيل في مصر او حاجه تانيه.
2:ليه سيارات أقل من سيات واخده حظوظ كبيره أوي في مصر ومبيعاتها عاليه هل لعدم وجود أعلانات لسيات ام لعدم توافر مراكز صيانه معتمده متعدده.
ثانيا : انا بافكر أغير العربيه وبرضه بعربيه سيات ( ده ان شاء الله أكيد) وبسأل علي السيات كوردوبا ما لها وما عليها وهل هلاقي منها الاداء الرائع اللي واخده من الابيزا ( هي الصوره السيدان من الابيزا ) واسعار قطع الغيار للكوردوبا مناسبه ولا غاليه
ثالثا: ممكن حد يدلني علي مراكز صيانه وأماكن أشتري منها قطع غيار أصليه مش مضروبه.
جزاكم الله خيرا

رد: النجمه ابيزا 98
 

اهلا و سهلا بيك معانا يا استاذ منير نورت مصر موتورز

اسئلة حضرتك برضه كانت نفس اسألتي في بداية دخولي عالم السيارات و الحمد لله عرفت اجاباتها

1-سيات مش منتشرة في مصر لعدة اسباب اولها ضعف الدعاية التوكيل مبيعملش دعاية كفاية لسيات بيقولك العربية بتبيع نفسها (منطق غريب)! و معتبرين ان اعلان كل اسبوع و الطريقة دي بدأ التوكيل بأتباعها من سنة بالضبط و بدأوا الانتظام في حملات الصيانة المجانية زي باقي التوكيلات مرة في العام لمدة اسبوعين تقريبا غير كده التوكيل ماشي بطريقة غريبة (التوفير للتعمير) الدفعات اللي بتنزله من سيات مش كبيرة فا يقولك اصرف اعلانات و دعاية كتير علي كمية قليلة ليه هي هتتباع لوحدها باعلانات عادية و خلاص مبيفكرش انه لو بسنة دعايا بسيطة يبيع بسرعة و تجيله دفعات اكتر و يكسب اكتر و العربية تنتشر و مش مكسب في البيع لوحده لا ده هيبقي مكسب في الصيانات و قطع الغيار و هكذا لكن تقول ايه دماغهم كده

2-اولا يا باشا سيات عربية اسبانية المانية و قطع غيارها ليست بالرخيصة مش غالية اوي لان في حاجات اغلي منها دلوقتي لكن دي فكرة الناس عن سيات ان حاجتها مولعه و ان الياباني و الكوري حاجته رخيصه لكن واقع الحال دلوقتي ان الياباني و الكوري اسعار قطع غياره زادت جدا و بقت اغلي من الاوروبي ! مركز خدمة سيات موجود و معروف و في الحقيقة رغم ان التوكيل غالي لكن محترفين محدش راحلهم بعيب و رجع بيه


حضرتك بتفكر تغير لانهي كوردوبا و عربية حضرتك ابيزا 98 1000 ولا 1400 سي سي ؟ لو عايز القطع المضمونة يبقي التوكيل هو اضمن مكان تنتظم معاهم في الصيانة و كده يا اما تجيب من منفذ البيع بتاع الشركة الهندسية(توكيل سيات) في شارع شامبليون و في واحد في شامبليون اسمه سامح ابيزا كنت بتعامل معاه زمان حاجته كلها اصلية بس غاااااااااااااااااااااااا اااالي جدا جدا يعني انا كل حاجة كنت باخدها منه و حاجته غاليه بس كنت باخدها مبرجعلوش بيها روح و شوف نظامه ايه دلوقتي
2-

رد: النجمه ابيزا 98
 

اولا مشكووووور يا محمد باشا علي ردك الوافي والسريع
وألف مبروك النجاح والي الامام
ثانيا انا عربيتي ابيزا 98 1000سي سي وبسأل علي الكوردوبا 1400 أو 1600 سي سي واللي هيحكمني رأيك في الاتنين مع أسعارهم
ثانيا بسأل علي أحسن نوع مساعدين للابيزا وحدود أسعارهم
ثالثا: انا ممكن اركب باور للعربيه وده هيأثر عليها ولا لأ.
وشكرا جزيلا

رد: النجمه ابيزا 98
 

الله يخليك يا باشا:)

الكوردوبا ال 1400 او ال 1600 طبعا هتحس بفرق جامد في الاداء انت عربيتك 50 او 55 حصان ال1400 85 حصان و ال1600 105 حصان فرق جامد طبعا


الكوردوبا حاليا سعرها بيبدأ من 99 الف و كسور في منها مانوال و تيبترونيك حسب اختيارك و الاتنين ممتازين و هيعجبوك ثبات و اداء قوي و اعتمادية

هات مايلي الماني هتلاقي سعرهم في حدود 550 600

ممكن تركب بس ملوش لازمه انت كده كده عربيتك صغيرة و وزنها مش تقيل و ملمومه معتقدش انك هتحتاج الباور في حاجة غير كده ممكن ميظبطش و يقرفك هات حاجة الباور نازل فيها احسن و طبعا لو جبت كوردوبا هتلاقي فيها باور و اوبشنز اكتر من عربيتك

رد: النجمه ابيزا 98
 

سلامو عليمة
الى الاخوة فى المنتدى انا معايا ابيزا 98 و فيها موتور 1000 سى سى و كان جاب جوان وش سلندر فى الحر ده المهم معروض عليا موتور 1800 بتاع الابيزا كوبرا الى بتنزل برة هيدهولى بالفتيس الاصلى اتوماتيك و التكيف و الباور و العدادات و عفشة كاملة مقصات و مساعدين و باطاحات كله كله يا ترى حد يفيدنى النوضوع ده يتكلف كام لانهم بيتكلمو فى اسعار خيالية؟
و ربنا يجعله عامر