مسمار الكرنك غلبني
 

السلام عليكم ورحمة الله وبركاته

لو سمحتم يا جماعة محتاج مساعدة بالنسبة لفك مسمار الكرنك
العربية بولو موديل 99

المسمار محتاج أفكه علشان أغير أولسيه الكرنك لإنه بيرشح زيت
وبعد عنااااااااااااء طويل برضه مش عارفين نفكه
رحت حتى لخراط معرفش يفكه
قعد يحاول انه يلحم حديدة عليه ويدق عليها بالشاكوش
الحديدة كانت بتتكسر والمسمار برضه مش بيفك :w6w200504112236376d
ده غير محاولات الميكانيكي المتعددة معاه بكل الطرق
ودي مش أول مرة تحصل الحكاية دي لإن برضه قبل كده وأنا بغير سير الكاتينة الميكانيكي معرفش يفكه بنفسه بس جاب خراط فكه
المشكلة إن الميكانيكي ده دلوقت مش موجود وأنا مش عارف اعمل ايه

هل له طريقة معينة علشان يتفك مثلاً ولا ايه؟؟
وهو بيفك يمين ولا شمال؟؟

ياريت لو حد يعرف يقول لي
وشكراً مقدماً :loveu:

رد: مسمار الكرنك غلبني
 

احتمال يكون بيفك عكس الرباط وده فمعظم العربيات الألمانى

رد: مسمار الكرنك غلبني
 

انا كنت عايز اقول كدا بس حاسس انهم جربوا

رد: مسمار الكرنك غلبني
 

شكراً يا جماعة على الاهتمام
أنا متهيألي الميكانيكي قاللي انه جرب يفك في الاتجاهين وبرضه منفعش
بس معلش هتعبكم عكس الرباط ده اللي هو أي اتجاه؟؟

رد: مسمار الكرنك غلبني
 

مفيش مسامير بتفك عكس الا لو كان المسمار نفسة بيلف وفى اتجاة عقارب الساعة
والحل البديل اللى الالمان بيعملوة انهم بيلجاو اللى المسمار الالنكية عشان املس من الخارج
بس انا مفهمتش مسمار اية اللى فى الكرنك
هل بتاع طنبورة السير ؟؟؟؟