عمر الكوندنسر و الابلاتين قصير قوى
 

ندخل فى الموضوع على طول
الكوندنسر و الابلاتين لا يستمران فى السياره بعد تركيبهم اكثر من شهرين
يا ترى ده عادى . و لا دى فتره قليله . و اذا ده مش عادى . يا ترى فين
العيب . ركبت موبينه جديده . و لا جديد . عطل السياره الوحيد يكون بسبب
الكوندسر و الابلاتين . السياره 128 موديل 1986 . وهى بحاله جيده جدا
ياريت تشخيص الحاله من دكاترة مصر موتورز.....

رد: عمر الكوندنسر و الابلاتين قصير قوى
 

أنا معرفش كتير و مش عايز افتي بس فى معظم الحالات المشابهة بتكون كهربا العربية مش متظبطة و الخبراء هيردوا عليك دلوقتي

رد: عمر الكوندنسر و الابلاتين قصير قوى
 

يكون مثلا نوعيتهم سيئة ؟
او ظبط فتحة الابلاتين مش مظبوطة ؟
على العموم فى خبراء معانا اكيد حيفيدوك اكتر

رد: عمر الكوندنسر و الابلاتين قصير قوى
 

بص وانا بقرا الموضوع كنت هاكتب غير البوبينة
لكن حضرتك بتقول غيرتها يبقى العيب عندنا هو تسريب فى ارضى الاسبراتير
بمعنى ادق اطراف الابلاتين واقع عليهم جهد كهربى طول الوقت وبكدة الابلاتين يعتبر شغال حتى لو العربية واقفة ومبطلة
وخلى بالك الابلاتين بيشتغل على الفردة السالب ( الارضى ) لان البوبينة بيدخل لها طرف موجب عن طريق البطارية مرورا بالكونتاكت
فلو الطرف السالب مش معزول عن جسم الاسبراتير هايفضل متوصل على طول او عامل شورت سيركت طول الوقت

رد: عمر الكوندنسر و الابلاتين قصير قوى
 

عموما من واقع تجاربى الشخصية ان الكوندينسر معمر جدا المشكلة فى الأبلاتين انه بيلدع والسبب ده بيكون الإسبراتير له عامل زى ركب بتاعته عالية وواطية فبتخليه يلدع بسرعة او الموبينة الجديدة قوية ومش راكب عليها المقاومة فبتسخن وتخلى الأبلاتين يلدع
جرب موضوع مقاومة الموبينه هتلاقيها عند بتوع قطع الغيار لونها ابيض زى البلاطة كده بخمسة جنيه ولو لدع تانى هات إسبراتير ميلتون صينى علبته صفرا نوع محترم انا مجربه تمنه 90 جنيه