العربيه مش بتمشى خالص لو دوست بنزين ولا كأنى دايس
 

السلام عليكم ورحمة الله

المشكله تتلخص فى الاتى

ببقى ماشى عادى جدا وطبيعى وبعد وقت فى الحر بس مؤشر الحراره مبيعلاش عن النص دايما العربيه مش بتمشى خالص لو دوست بنزين ولا كأنى دايس على حاجه خالص افضل اكارك على البنزين ممكن تمشى وبعين تعمل نفس الحركه تانى روحت للميكانيكى قالى طرمبة بنزين سألت على الطرمبه لقيتها 800 جنيه استيراد كان هايجيلى شلل كده فعلا طرمبه ولا ايه وهل ينفع يركب طرمبة عربيه تانيه عليها ؟ العربيه دايو اسبيرو

اسف على الاطاله

رد: استفسار ضرورى الله يكرمكم
 

هو العيب ده فعلاً غالباً بيبقى طرمبة بنزين بس قبل الحكم انه فعلاً طرمبة بنزين
يجب التأكد أولاً من أن خرطوم البنزين الواصل للطرمبة لا يوجد به أى عيب او اى تنفيس ويجب التأكد تماماً ان مفيش اى حاجه ضاغطه على خرطوم البنزين زى قاعدة الكنبه الخلفية مثلاً ولو فلتر البنزين محتاج يتغير لازم تغيره عشان ممكن يكون العيب منه .. انا كان عندى عيب شبه ده بالظبط والميكانيكى قالى طرمبة بنزين عايزه تتغير وف الأخر ميكانيكى تانى اكتشف ان خرطوم البنزين فيه حته بتنفس وغيرته بحته خرطوم تانى فقط ب3.5جنيه ..أبدأ خطوه خطوه قبل تغيير طرمبة البنزين

رد: استفسار ضرورى الله يكرمكم
 

+++++++++1

رد: العربيه مش بتمشى خالص لو دوست بنزين ولا كأنى دايس
 

أكيد فيه طلمبات متوافقة واسعه اوى موضوع 800 جنيه ده
واتأكد الأول انه مفيش سدد ف الطرنبة ولا الخراطيم

رد: العربيه مش بتمشى خالص لو دوست بنزين ولا كأنى دايس
 

طيب ليه ميكونش حساس ال tps ؟
هل اختبر المضخة ؟
افضل اختبار لما يحصل كدا جرب انزل و فك الخرطوم اللى طالع من الفلتر لو المضخة سليمة حتلاقى نافورة بنزين طالعة ........... " خلى طفاية جاهزة "