نويت اشتري اوبل استرا GTC النسخة الرياضية وعندي استفسار
 

انا بعد تفكير اخد وقت كبير جداً نويت اشتري اوبل استرا النسخة الرياضية اللي هي GTC بس اللعربية نزل منها فئتين وكنت عايز اعرف هو الفرق بين الفئتين السقف البانوراما والجنوط ال 18 بس ؟ ولا في حاجة تانية ؟

وتاني حاجة بس حد يعرف اماكن بالاسكندرية بتبيع العربية دي اول فئة كسر زيرو ؟

رد: نويت اشتري اوبل استرا GTC النسخة الرياضية وعندي استفسار
 

الفرق ف الجنوط وفوانيس الضباب و طي المرايات الجانبية كهربائيا و النظام الذكى لركن السيارة و-مدخل USB وفرش جلد وفتحت سقف بانوراما وعجلة القيادة وناقل الحركة مكسيين جلد.
والسيارة بتتباع عند أباظة أوتوتريد والكموني زيرو انما معرفش إذا كان بيبيعو كسر زيرو ولا لء

رد: نويت اشتري اوبل استرا GTC النسخة الرياضية وعندي استفسار
 

تسلم يا استاذنا على الرد بس على حد علمي ان السيارة اول فئة فيها فوانيس ضباب عادي ودا الإثبات
http://www.vehicletraders.co.za/Used...njoy_sale.html
دا موقع اجنبي للعربية وذي منتا شايف انها من غير البانوراما وكمان مكتوب فيها enjoy تفتكر ان الفوانيس دي لحية بس ولا ايه ؟

اشكر يا استاذ على المساعدة وبإنتظار باقي الاعضاء

رد: نويت اشتري اوبل استرا GTC النسخة الرياضية وعندي استفسار
 

الجي تي سي عربية رياضية بالدرجة الاولى وبلاش تجيب البانوراما علشان مش هتنفع في مصر ممكن اي حد لو رزع العربية طوبة في السقف البانوراما هتضيع دا غير ان الجنوط 18 هتخلي العفشة ناشفة جدا
طبعا العربية ممتازة ومليهاش عيب لكن العيب في الطرق المصرية
ممكن حضرتك لو عايز استرا هات التربو السيدان او ممكن الهاتشباك لو عايز حاجة شبابي
ومبروك مقدما

رد: نويت اشتري اوبل استرا GTC النسخة الرياضية وعندي استفسار
 

لا شكر على واجب أخي الكريم وكلنا بنساعد بعض :) بلنسبة لحوار الفوانيس ممكن حضرتك تتصل بتوكيل اوبل وتتأكد منهم بنفسك والأفضل من كدا إن حضرتك تروح معرض أو التوكيل وتشوف الفئتين علطبيعة