|
انشاء الله هفتح محل جديد قطع غيار فيات
انشاء الله هفتح محل جديد قطع غيار فيات
انا عندى محل مساحة 3*6 متر على شارع شبه عمومى وبجوارى ورشة قولت افتح محل قطع غيار واحدة واحدة وانا وشغال قبلنى بعض المشكلات وكونت عوذ اصحاب الخبرة يدلونى على الصح اولا وهى كيف معرفة اسعار القطعة اول باول مع ارتفاع الاسعار عشان انا لسه جديد والرجل لسه بطيئ يعنى انا بزود هامش الربح بسيط جدا بس ممكن الهامش دا يختفى مع ارتفاع الاسعار ومش بس كدا دا انا ممكن ادفع من جيبى لقدر الله يعنى خسارة ثانيا انا ممكن اعرف القطع الكويسة من التعبانة ازى عشان فى ناس بتجى تقول القطعة دى مش كويسة ودا رجاء لو اى حد يعرف اسم قطع كويسة يقولها او محل صقة فى الفيات |
رد: انشاء الله هفتح محل جديد قطع غيار فيات
إن شاء الله بتتكتب هكذا وليس إنشاء
مبروك المحل الجديد عاوزين المكان وبالنسبة لتجار الجملة اللى بتتعامل معاهم حاول تعرف معلومات عنهم أكتر :fun_36_1_39[1]: |
رد: انشاء الله هفتح محل جديد قطع غيار فيات
الف مبروك عليك المحل
وخلى بالك البايرة ترجع بيت ابوها اى قطعة فيها عيب صناعة ترجع للتاجر انا غيرت او رجعت ديسك جديد لصاحب المحل وهو ادامى اداة للمستورد وادانى فلوسى وبالوقت هاتقدر تعرف شغل فلان من علان والكويس والوحش والغالى والرخيص وحاول تبضع من التوفيقية بتاخد سعر الجملة وشوية شوية هاتنزل عند ناس معينة بالاسم تجيب منهم الحاجات اللى انت محتاجها ومها اقنعك بنوع تانى هاتفضل عند رايك لانك مجربها وجب على تاجر الجملة انة يطلعك اول باول بالسعر بالتليفون او انت اللى تحدث اسعارك كل اسبوع بالتليفون حتى وتشوف قطع الغيار اللى عليها اقبال واستهلاك وتحاول توفر كمية مناسبة منها زى مثلا تيل الفرامل والسيور وكاوتش المية والجوانات وبعد حوالى سنة ممكن تنزلك بضاعة بالاجل وتبقى انت كومسيون بس لتاجر الجملة المهم فى الموضوع ان ميكنش عندك مسمار ناقص كل حاجة تبقى موجودة وصدقنى هايجلها زبونها اوعى حد يجى يسالك على حاجة وتقولة معنديش لازم يكون عندك ولو اعداد بسيطة من كل حاجة لان الزبون لو راح جاب من برة مش هايجلك تانى واعمل دعاية لنفسك على نطاق الميكانيكية والعفشجية وتعرفهم بنفسك وما يمنعش من هدايا متواضعة لميكانيكى او عفشجى كل فترة تحفيزا له انة يبتعلك الزبون ومش عيب ولا حاجة وحاول تجيب من الصنف الواحد اكتر من نوع صينى مثلا وايطالى وتركى عشان الزبون هايشترى يعنى هايشترى من عندك ولازم يكون عندك لباقة فى اقناع الزبون بقطعة الغيار ودى اكيد هاتيجى من المممارسة وخببرتك فى السوق خلى بالك الزبون لما بيروح يشترى من محل ما بيفرقش معاة السعر على اد ما بيفرق ان الحاجة تكون كويسة وان اللى بيبعها يحسسة ان المحل دة بتاعة ومتقلش لحد عاوز يغير حاجة لا تكشف عليها لو فى علبتها ومحصلهاش حاجة اية المانع انك ترجعها قطع الغيار الكهرباء هى اللى مش بتترجع |
رد: انشاء الله هفتح محل جديد قطع غيار فيات
نسيت حاجة مهمة
اوعى تشكك لزبون لان لو شككتلة ولسة علية فلوس ومحتاج قطعة غيار تانية مش هايجيلك لانة لسة علية فلوس وهايروح لحد تانى فالشكك ممنوع |
رد: انشاء الله هفتح محل جديد قطع غيار فيات
mr_astra
الله ينور عليك :01FDAB~189: |
| الساعة الآن 11:51 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017