ارجوا المساعدة فى ماتور 250 سي سي
 

السلام عليكم عضو جديد يتشرف ان يكون بينكم ارجوا المساعدة اين يباع ماتور موتسكل 250 سي سي عدد 2 بستم و2 فتحة شكمان ويفضل يكون دايون الرجاء الاهتمام بلرد وشكرا

رد: ارجوا المساعدة فى ماتور 250 سي سي
 

مافيش الكلام ده فى الدايون نهائى ولو فضلت تسأل هتتعب .. فى مواتير 250 بس مفيش 2 بستم .. بغض النظر عن الموتوسيكلات الغريبه اللى بتنزل عند أبو حوا وكلها أى كلام:fun_36_1_39[1]:

رد: ارجوا المساعدة فى ماتور 250 سي سي
 

السلام عليكم اخى الفاضل بلفعل انا لفيت كثير ولم اجدة عند معظم مستوردين قطع الغيار حتى ابو حوا معندوش بلرغم من انة هو الوحيد الذى استورد هذا النوع ولاكن لى سؤال حضرتك اشرت فى كلامك ان المتور 2 بستم اى كلام ممكن توضحلى اية المشاكل بتعتة علشان انا كلمت مستورد يجبهولى واسف على الاطالة وشكرا

رد: ارجوا المساعدة فى ماتور 250 سي سي
 

حضرتك هوا مفيهوش مشاكل وقوى وهتلاقى السحب عالى كمان (( أكيد مش زى اليابانى )) بس المشكله مش فى الموتور .. المشكله فى قطع الغيار الداخليه .. أبو حوا وأغلب مستوردين الصينى مش بيبنوا سمعه زى ما بيبنوا فلوس .. يعنى بيجيب الموتوسيكل او حتى الموتور لكن لو محققش منه ربح عالى جدا وقدر كمان يتحكم فى السعر مش بيسأل فى الناس القليلين اللى اشتروه .. بمعنى انه لو جاب 15 موتوسيكل ومخلصوش فى فتره بسيطه مش بيجيب منه تانى وبيرجع للبايك اللى عليه سحب أكتر وكمان مش بيجيب قطع غيار للناس اللى اشترو النوع ده فى الأول وساعتها الناس دى بتتعب جدا برغم ان الموتوسيكل بيكون كويس بس محصلش عليه اقبال .. هى دى المشكله وانا تقريبا رميت موتوسيكل بسبب الموضوع ده لأنى ملقتش ليه قطع غيار .. ونصيحه قبل ما تجيب الحاجه اسأل على قطع غيارها ومتصدقش بسهوله لما يقولك متوفره خليه يوريهالك واسأل فى اماكن تانيه عشان متتعبش قدام .. وأى استفسار يخص الوكاله انا تحت امرك لأنى أخدتها كعابى كتير بسبب قطع الغيار :fun_36_3_11[1]:

رد: ارجوا المساعدة فى ماتور 250 سي سي
 

اشكر حضرتك على الاهتمام وبخصوص ان حضرتك اخذتها كعابى فالحمد لله اخوك رجلة دابت من اللف تعرف ان انا بدور على متور بمواصفات 2 بستم 250 سي سي 2 فتحة شكمان تبريد مياة علشان اركبة فى مكنة ريسنج يبانى ماركة ياماها f z بعد تعديل بسيط :CHUBBY~36:بسبب قطع الغيار قلت استفيد بامكانيات شاسية واتزان وثبات اليابانى على متور صينى وعلى فكرة المتور الصينى قوى جدا جدا والزنة ال فى المكن الصينى بسبب قوة الماتور على شاسية ضعيف على العموم انا شاكر جدا لحضرتك ويا ريت السادة الاعضاء ال عندة فكرة عن ماتور بلمواصفات دى وقطع غيارة متوفرة يعرفنا ويشارك معانا ولو حد يعرف حاجة عن المكن ال kinbo الصينى وقطع غيرها يشارك وشكرا