مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   سيات SEAT (https://www.masrmotors.com/vb/forumdisplay.php?f=20)
-   -   استفسار عن سيات كوردوبا 1994 و1996 (https://www.masrmotors.com/vb/showthread.php?t=110260)

wel_elageeb 13-03-2013 03:22 PM
استفسار عن سيات كوردوبا 1994 و1996
 
السلام عليكم يااصحاب الخبره انا عايز اشترى سيات كوردوبا 94 او 96 لان شكلها عاجبنى جدا فأتنمى تفيدونى فى عيوبها وسعرها تقريبا لان قدامى واحده ب34 الف وواحده ب36 الف وازاى مينضحكش عليا فيها وازاى اكتشف لو فيها عيب من العيوب الخطيره اللى تعيب العربيه ولكم جزيل الشكر
وبالنسبه لقطع غيارها متوفره ولا هتقرفنى وغاليه ولا معقوله لان فى ناس كتير مخوفانى

wel_elageeb 14-03-2013 03:47 PM
رد: استفسار عن سيات كوردوبا 1994 و1996
 
ايه ياجماعه الصحرا دى ... اين اصحاب الخبره.....؟

FlaminGo 16-03-2013 10:47 PM
رد: استفسار عن سيات كوردوبا 1994 و1996
 
اقتباس:
المشاركة الأصلية كتبت بواسطة wel_elageeb (المشاركة 859382)
السلام عليكم يااصحاب الخبره انا عايز اشترى سيات كوردوبا 94 او 96 لان شكلها عاجبنى جدا فأتنمى تفيدونى فى عيوبها وسعرها تقريبا لان قدامى واحده ب34 الف وواحده ب36 الف وازاى مينضحكش عليا فيها وازاى اكتشف لو فيها عيب من العيوب الخطيره اللى تعيب العربيه ولكم جزيل الشكر
وبالنسبه لقطع غيارها متوفره ولا هتقرفنى وغاليه ولا معقوله لان فى ناس كتير مخوفانى
وعليكم السلام. ولا صحرا ولا حاجة الموضوع بسيط
الكوردوبا عربية محترمة وهى نسخة الأبيزا بس بشنطة وقطع غيارها فى المتناول وممكن تكون أعلى نسبيا ولكن معمرة وقطعة الغيار تعيش معاك . ألمانى يا باشا . عن نفسي بدور على واحدة بس ألفينات . الأساس انك تكشف عليها فى بنزينة محترمة ويدولك تقرير مفصل عن حالة الشاسية والموتور ولو الموتور نص نص ولا يهمك الأهم حالة الشاسية لأن الموتور تسقيط مش حيعدى 4000 جند. وطبعا حيقلل من سعر العربية . العيب الوحيد للأمانة هو اعادة البيع لأن بيعها صعب شوية نظرا لثقافة الشعب المصرى العظيم الهيونداوى والكيياوى. كلة يهون بس حتتمتع بالعربية ثبات وسرعة واتزان وأمان ويكفى أنها ألمانى ... واستخير وربنا يوفقك

ahmed_x545 05-05-2013 10:45 PM
رد: استفسار عن سيات كوردوبا 1994 و1996
 
السلام عليكم جميعا .. انا معايا كوردوبا 96 العربيه ماشاء الله عليها و بقالها معايا 5 سنين .. احسن من الابيزا كمان هيه 1400 سى سى وشنطتها كبيرة و قطع غيارها هييه هيه بتاعه الابيزا . وسعرها على حسب حالتها و موديلها .. من اول 28 لحد 35 الف وانصحك تتكل على الله وتجيبها
هتتمتع بيها بس اهم حاجه حالتها تكون حلوة .. بس اهم نصيحه منى اذا ربنا كرمك واشتريتها .. بلالالالالالالالالالالالا لالالالاش تجيب قطع غيار جديدة فى معظم العربيه . حاول تجيب استيراد نضيف لانه احسن مليون مرة من الجديد حتى لو اغلى ..
ربنا يكرمك بعربيه نضيفه ويكفيك شرها واى استفسار عنها انا تحت امرك
وانا انصحك يا استاذ فلامنجو بلاش كوردوبا الفينات .. اولا لان ماتورها 1000 سىسى ودة مع التكيف والسحب مش هيبقى كويس اوى . ثانيا البودى بتاعها والصاج اخف من الكوردوبا التسعينات . ثالثا ماتورها المونيا مش حديد زى موديل التسعينات

FlaminGo 06-05-2013 01:24 AM
رد: استفسار عن سيات كوردوبا 1994 و1996
 
اقتباس:
المشاركة الأصلية كتبت بواسطة ahmed_x545 (المشاركة 881307)
السلام عليكم جميعا .. انا معايا كوردوبا 96 العربيه ماشاء الله عليها و بقالها معايا 5 سنين .. احسن من الابيزا كمان هيه 1400 سى سى وشنطتها كبيرة و قطع غيارها هييه هيه بتاعه الابيزا . وسعرها على حسب حالتها و موديلها .. من اول 28 لحد 35 الف وانصحك تتكل على الله وتجيبها
هتتمتع بيها بس اهم حاجه حالتها تكون حلوة .. بس اهم نصيحه منى اذا ربنا كرمك واشتريتها .. بلالالالالالالالالالالالا لالالالاش تجيب قطع غيار جديدة فى معظم العربيه . حاول تجيب استيراد نضيف لانه احسن مليون مرة من الجديد حتى لو اغلى ..
ربنا يكرمك بعربيه نضيفه ويكفيك شرها واى استفسار عنها انا تحت امرك
وانا انصحك يا استاذ فلامنجو بلاش كوردوبا الفينات .. اولا لان ماتورها 1000 سىسى ودة مع التكيف والسحب مش هيبقى كويس اوى . ثانيا البودى بتاعها والصاج اخف من الكوردوبا التسعينات . ثالثا ماتورها المونيا مش حديد زى موديل التسعينات
أشكرك على النصيحة بس المشكلة انة صعب اوى تلاقى كوردوبا تسعينات بحالة سليمة ومحترمة . الله المستعان


الساعة الآن 11:27 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017