مصر موتورز مجتمع السيارات - بخصوص الصني الشكل الجديد

مصر موتورز مجتمع السيارات (https://www.masrmotors.com/vb/index.php)

- صنى SUNNY (https://www.masrmotors.com/vb/forumdisplay.php?f=205)

- - بخصوص الصني الشكل الجديد (https://www.masrmotors.com/vb/showthread.php?t=10964)

بخصوص الصني الشكل الجديد

انا كنت ناوي اشتريها ولكن كل ما كنت اروح معرض او صالة يقولوا لي ابعد عنهابلاش منها وللاسف منهم صالة توكيل للنيسان ولما سألت عن السبب قالوا لي كفاية انها تقفيل مصري زفت والعربية بتأكل بنزين بطريقة شرهة وفيها مشاكل في العفشة وقالوا كمان دي لو عربية محترمة متنزلش فوانيس كريستال رخيصة بالمنظر ده فأرجوا افيدوني هل اشتريها ولا لا وهل المشاكل دي في الـ 1600 المانويل .
ارجوا الافادة سريعا لان عليها عرض الان 3000 خصم .
ولكم جزيل الشكر

رد: بخصوص الصني الشكل الجديد

اهلا و سهلا بيك يا matt
الصاني عربيه كويسه لكن اعتراضي انها جيل قديم و ما تزال تصنع في مصر
طبعا التقفيل المصري ليه لمسات في العربيه لكن مش للدرجه البشعه اللي اتوصفتلك
بالنسبه للبنزين ايوه بتاكل بنزين و العربيه دي كانت معايا في الامارات 1600 و كانت بتاكل كتير
بالمقارنه بالايكو اللي كانت معايا قبل كده
حيقولوا الايكو صغيره حقولك دي 1300 و الصاني 1600
يعني فئات اقتصاديه المفروض يكون استهلاكها كويس
يعني استهلاكها بالمقارنه بالكورولا ال 1800 كان اعلي برضه منها!!!!
انما ثبات و قوه صاج و ركوب افضل من الكورولا بكتير .
طب دلوقتي انا اتكلمت كتير و اعتقد انك توهت منيptmnlo123per122
الخلاصه لو الصاني عجباك و مقتنع انك تركب عربيه شكلها قديم يرجع تصميمها ل 2001
اشتريها و مش حتندم رغم ان البنزين بتاعها عالي شويه و خصوصا اول 2000 كيلو
حتلاقيها شرهه في البنزين
لو مضايق منها يبقي ابعد عنها :waving:
و عندك بدل العربيه 1000
قول بس متطلباتك منالعربيه و التمن اللي ممكن تدفعه و احنا نساعدك تجيب ايه

رد: بخصوص الصني الشكل الجديد

الصني الجديده فيس ليفت للصني القديمه .. يعني مجرد تغيير في شكل الفوانيس ... بالعكس هما اضافو ليها شويه مواصفات امان و اوبشنز ظريفه ...
فبالتالي لو هي وحشه بالشكل ده .. تبقى الصني القديمه اساسا ضايعه ...
والموتور 1600 سي سي توين كام .. فطبيعي ياكل بنزين زياده شويه .. لكن مش بشراهه ..

هي ميزتها انها عربيه نيسان ياباني بتقنيه قديمه شويه (موديل قديم ) و تجميع محلي مقبول الي حد ما لكن بمواصفات و سعر منافسين جدا
الشنطه حجمها كويس جدا لكن صالونها مش واسع .. وعفشتها عاديه .. لكن بيشكرو في عفشه السوبر صالون

وهي فوانيسها رخيصه فعلا ... صديق ليا معاه صني 2008 ... الفانوس اتكسر اشتراه كامل بأقل من 200 جنيه ptmnlo123per154
مش احسن ما يركبو فانوس غالي ب 500 و لا 600 جنيه ... وفي اغلا كمان ...

رد: بخصوص الصني الشكل الجديد

ياريت الكل يشارك في اعطائي رد حو شراء النيسان ام لا

رد: بخصوص الصني الشكل الجديد

أنا بقارن بين الصنى و الإسبرانزا التيجو و بين اللانسر - أرجو الإفادة