مصر موتورز مجتمع السيارات - بيع عربيه باعلام وراثه

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

- - بيع عربيه باعلام وراثه (https://www.masrmotors.com/vb/showthread.php?t=109392)

بيع عربيه باعلام وراثه

السلام عليكم ورحمة الله وركاته

والدى رحمة الله عليه كانت العربيه باسمه وطلعنا اعلام وراثه. ودلوقتى بابيع العربيه وعندى سؤالين
1- هل الافضل لما ابيع العربيه اخد الورثه المكتوبين فى اعلام الوراثه ويمضوا فى الشهر العقارى للى هيشترى العربيه وهل ساعتها هيقدر يمشى بالتوكيل ولا لازم يسجل

2- ولا الافضل ان الورثه المكتوبين فى اعلام الوراثه يعملوا ليا توكيل عام وانا ابقى اروح لوحدى الشهر العقارى امضيله بناء على التوكيل العام اللى معايا ولو حصل والعربيه متباعتش هل ساعتها المفروض اسجل باسمى ولا ممكن امشى بالتوكيل
اسف على طول السؤال
وجزاكم الله خيرا

رد: بيع عربيه باعلام وراثه

السلام عليكم ورحمه الله وبركاته .
أخى الكريم أولا إذا كان لك أخوه قاصر فلا تستطيع بيع السياره الا بعد الرجوع للمجلس الحسبى ثم تقدر السياره عن طريق خبير من المجلس الحسبى ثم يقوم بالبيع عنهم الواصى لهم ووضع نصيبهم فى المجلس الحسبى حتى سن الرشد ,.
أما إذا كان لا يوجد قاصر فممكن البيع جميعهم مع إعلان الوراثه للمشترى فى الشهر العقارى وممكن عمل توكيل أو عقد مسجل للمشترى والافضل عمل توكيل عام سيارات فى رقم السياره المراد بيعها لاحد الاخوه حتى يسهل له البيع والتحرك منفردا وايضا بهذا التوكيل ممكن يجدد السياره فى المرور ووفقك الله