|
طلب مساعدة مشكلة صوت نقرة فى ال 28
السلام عليكم
اعانى من مشكلة فى سيارتى فيات 128 موديل 91 وهى صوت خبطة فى بطن السيارة من اسفل تحت قدم السائق احس بيها اثناء الطلعة او النقل وخصوصا على الثانى و الثالث واذا كان الدركسيون اقصى اليمين او اقصى اليسار فى الطلعة وللعلم انا غيرت كبالن و قاعدة الماتور و قاعدة الفتيس وشيكت على العفشة لدرجة انى خليت العفشجى ينزل العفشة الامامية ويعيد على الاسكترا و المساعدين و البطاحات واى حاجة قدام و ذهبت الى السمكرى ورفع السيارة و لم يجد بيها شىء ولسة الصوت المثير للاعصاب موجود اية الحل افادكم الله وشكرى و تقديرى لاحسن منتدى فى مصر |
رد: طلب مساعدة مشكلة صوت نقرة فى ال 28
راجع علي الصليبه
|
رد: طلب مساعدة مشكلة صوت نقرة فى ال 28
وانا بقرا الموضوع وقبل ما اخلص قراءة
كنت هاؤلك غير قاعدة الفتيس بس بصراحة اتصدمت لما قلت انك مغيرها بس انا حاسس ان الصوت دة بيجى لما الفتيس او جسم الفتيس بيخبط فى شاسية العربية طب لو حضرتك غيرت قاعدة الفتيس المثلثة اية اخبار الشداد اللى فوق تحت الاستبن ما تيجى نفكة ونفردة شوية بحيث يبعد جسم الموتور عن الشاسية |
رد: طلب مساعدة مشكلة صوت نقرة فى ال 28
اقتباس:
السلام عليكم دايما بنتعلم منك مستر استرا طيب ممكن يكون العيب في الشكمان يكون الحماله مقطوعه فبيخبط الشكمان في الشاسيه او الحماله الجديده مضروبه والله المستعان |
رد: طلب مساعدة مشكلة صوت نقرة فى ال 28
eng/walaaeldeen
راى صائب جداااااااااا وفعلا نبدا بالسهلة الاول |
| الساعة الآن 12:10 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017