|
حكايتى مع العمرة ومصاريف من هنا الى غمرة
فى البداية انا استريت عربية لانوس 2004 وكانت جيدة بس الماتور كان سيء شوية وكان نصحنى ناس كتير انى استيرى ماتور استيراد بس واحد ابن حلال الى ان الماتور الاستيرد زى البطيخة ممكن يكون كويس وممكن يكون تعبان وانا فكرت انى لو جبته وطلع فى مشكلة هاكون اتكلفت حق المصنعية وبعد كده الت انى هاعمل عمرة وكانت بداية التعب وربنا يسامح المكانيكى الانه كان مش شاطر فى الانوس
وواشتغلنا فى العمرة وغيرة البساتم وطقم شنبر وبيت الكامة والكامة والت انشاء الله ان الماتور بق جيد وفضلت الين واحرق بنزين الما خلاصت كل الفلوس وبعدين المكانيكى قال انى ممكن اتحرك بيه بس برحة وفعلا ابتدت امش بيه ومشيت كويس بعد حوالى شهرين راحت العربية كسرت عمود الكامة ورحت للمكانيكى وغيرت عمود الكامة الى اتكسر ولما سالت المكانيكى عن السبب الى ممكن تكون الصلبة بتعت العمود مش كويس ومشت وراء والت جايز وبعد شهر ونصف اتكسر تانى وبعدين سالت بعض الاصدقاء الى فهمين فى الانوس الولى انى السبب فى وش السلندر ورحت جبته استيراد هو وبيت الكامة وفعلا العربية مشيت كويس جدا ولكن بعد كده اكتشفت ان العربية بدخن دخنة زرقاء من الخلاف وفهمت ان العربية فيها طقم سنبر والت الحمد لله على كل شى بس سالت فى المنتدى والشرفين العمرة ولا الماتور الاستيراد واحد المشرفين قالى ان الشورت بلوك افضل واقتنعت بكلامه وانا هاععملها انشاء لله قبل الصيف بس عايز اقول من الى حصلى ان فكرة العمرة فكرة فشلة ده من تجربة وان الاستيراد اذا كان حالته جيدة فانه افضل كتيرة لكن بالنسبة للمكانيكى العمرة افضل عشان يعرف يشتغلك كويس والحكاية ديها عشان الناس الى فى المنتدى تتعلم ومايغلطوش غلطتى واسف ان الموضوع طويل بس كانت لازم احكيه بالتفسيل |
رد: حكايتى مع العمرة ومصاريف من هنا الى غمرة
قدر الله ماشاء فعل
والحمد لله على كل حال ربنا يعوض عليك بالاحسن |
رد: حكايتى مع العمرة ومصاريف من هنا الى غمرة
اقتباس:
|
رد: حكايتى مع العمرة ومصاريف من هنا الى غمرة
عادى ياباشا بتحصل قدر الله وماشاء فعل
والحمد لله على كل شىء انا هاحكيلك بلوتى من منطلق اللى يشوف بلوة غيرة تهون علية بلوتة :36_1_1[1]: الكلام دة فى عربيتى القديمة (متسوبيشى جالانت 79) الموضوع ابتداء بطقم شنبر فقط فتحنا الموتور وظبتناة بعد شهر من الشنبر الموتور جاب طرمبة زيت و رزع سبيكة كرنك فتحناة تانى وظبط السبيكة بعد شهرين عمود الكامة اتعوج تقريبا ولا قفش مش فاكر ....وعمود الكامة عندى مكانش علوى لا كان فى نص الموتور ففتحنا الموتور تانى وغيرت العمود ماكملتش شهر ورزع تانى سبيكة تقريبا برضو http://forum.masrmotors.com/images/s...010105~332.gif روحت بايع العربية بعد ماصرفت على الموتور مايقرب من 3500 جنية وبهدلة طوال 5 شهور :sd: دة غير انى خسرت فى العربية بتاع 4 الاف جنية كمان الحمد لله |
رد: حكايتى مع العمرة ومصاريف من هنا الى غمرة
الاخ العزيز استاذ nader10
اولا قدر الله وما شاء فعل ثانيا اتكلمنا زمان هنا وكان خلاصة الكلام ان لو الموتور من المواتير الحديثة يبقى نجيب موتور استيراد افضل من عمل عمرة للمكنة انما لو موتور قديم زى الفيات يبقى نعمر المكنة افضل ما نجيب موتور استيراد ودة راى بصراحة ومقتنع بية ولية مبرراتى وشراء موتور استيراد خصوصا لو كانت دايو هو عين الصواب بحكم سعرة المعقول جدااااا الاخ العزيز استاذ / Vanditta لك كل التحية والاحترام حضرتك وقعت فى كمين وما اختش بالك منة وموضوع حصل كتير لناس وراى المتواضع ان الموتور حالة توافقة مع بعضة بمعنى ان الشمايز عمرها من نفس عمر البساتم وركب الكرنك او وسبيكة الكرنك فاذاى نفك موتور ونحكمة اوى اوى من فوق ومش عاوزينة يرزع من تحت كلنا عارفين الكلام دة انك لما تحكم الموتور شنبر وهد وكانت السبايك حالتها نص نص اجباااااااااااارى الموتور هايزرع سبيكة تخيل مكبس محوم اوى وضغطة زى الفل شغال او بيدق على سبيكة مبوشة اية اللى هايحصل؟؟؟؟؟؟؟؟ وبعدين انا بستغرب لان انا خلاص فكيت وهادفع مصنعيات واشترى خامات وقفت على طقم سبيكة وتجليخ كرنك!!!!!!!!!!! |
| الساعة الآن 06:39 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017