ابيزا 94 و ابيزا 99 اسعار ومقارنة
 

السلام عليكم يا احلي منتدي و سلام خاص جدا لمحمد باشا

طبعا انا كل ما احتار و النار تقيد في دماغي مبلاقيش غير استاذ محمد استفسر منه

دلوقتي يا كبير انا معروض عليا ابيزا 94 هي 1300 س س و مرشوشه بره و العتب من جوه هي العربيا شكلها متهان يعني و اخده كام خطه كده و البويا بتاعتها مقشره و اللذي منه بس هي اللي مخلينا نتكلم فيها ان الموتور بتاعها حلو و سحبها تمام و كده و هي فيها مشكله كمان ان العداد بتاعها كهربتو بايظه فا مش عارفين هي عامله كام كيلو و من جوه التبلو فب ذراير طلعا منها و كده بس احنا مشينا بيها كده حلوه بصراحه و الميكانيكي قالنا الموتور تمام و مطلوب فيها 31 الف انت ايه رايك

و حاليا برضو انا معروض عليا ابيزا 99 هي 1400 س س و من كلام الراجل صحبها لما كلمتو انها فبريقه جوه و رشه بره باور و تكييف و جنوط و مرايات و ازاز كهربه و اللدي منه يعني فل اوبشن و مطلوب فيها 35500 فا انت ايه رايك في الكلام ده .....انا اسف جدا جدا اني طولت عليك بس ده من عشمي و الله و منتظر ردك يا زعيم

رد: محمد باشا ابيزا
 

خد موديل 99 طالما 1400 بدون نقاش
لإن التانيه محتاجه شويه مصاريف هتتعبك وهتتعب ألبك
لكن التانيه هترتاح معاه اوي خصوصا انها 1400

رد: محمد باشا ابيزا
 

الف شكر يا باشا علي الاضافه

رد: محمد باشا ابيزا
 

خد ال 99 طبعا يا باشا فرق عمر و فرق اداء و فرق في توفير البنزين و مش هتتعبك زي التانية

لو انت ليك مزاج في ال 94 هتكلفك الاتي:
1-العدادت عشان تشتريها لوحدها هتكلفك 300-350 جنيه دي انا في ايدي اوفرها عليك انا عندي تابلوه كامل بالعدادات بفيشة العدادات جايبه ل 700 جنيه اخدت منه كونصول بس مستعد اسيبه ب 500

2-عشان ترش العربية كلها من برا حسب البوية لو اوميجا مش هتكلفك جامد لو سكينز و دي انضف بوية طبعا هتكلف و العربية بتاخد 2 كيلو بوية عشان تترش برا و عموما سمكره و رش بالكامل هيكلفك حوالي 1200-1500 جنيه و لو سحقت بوية العربية كلها و اشتغلت شغل علي نضافه هتخش في 1800 مثلا


انا رأيي تاخد ال 99 بدون تفكير اوبشنز اعلي موفره في البنزين اكتر اداء اعلي مكيفة و هكذا

رد: محمد باشا ابيزا
 

الف شكر يا محمد باشا بس ازاي توفير اكتر في بنزين و ال99 موتور 1400 والتانيه 1300