مصر موتورز مجتمع السيارات - الاسباب الحقيقية وراء تلف الكبالن..

الكوبلن لما يطقطق ايه اللي بيحصله بيطلع الطقطقه؟؟
البلي الداخلي بتاعه المفروض بيمشي في داخل مجريين (اللي بيحصل عليهم coupling وهما سبب التسمية)...
لاسباب متعدده هذكرها لاحقاً بيحص نقره او حفره في احد المجزيين دول(groove)
طبعا في حالة المشي الطوالي مفيش مشاكل لان الحركة مش معتمدة على سريان البلي جوه المجاري الخاصة..
طيب.. ايه اللي بيحصل لما يلف الدركسيون بغض النظر عن مقدار اللفه؟
البليه هتمشي في المجرى واول متقابل الجروف او الحفره البليه هتقع فيها وتطلع تكمل مشوارها وهنا الطقطقه بتطلع والدربكه بتحصل... ومع كل يوم البليه بتقع في الحفره بتوسع ولو متصلحتش هتوصل زي ما كلنا عارفين والكوبلن هيتكسر....
طيب في حالة ان الكوبلن سليم 100%وشحمه كويس والكاوتشه سليمه ايه اللي هيحصل لو العجل لف؟
ببساطة شديدة ولا حاجة هيمشي البلي بسلاسه ومش هيحصل حاجه ومهما كانت اللفه... عشان كده بقول ده مش السبب الحقيقي ورا الموضوع
طيب نرجع للأسباب اللي تخلي الحفر تحصل...
اولا:
اي سبب يخلي البلي يعمل طرق شديد داخل المجاري المخصصة سواءً امركه وتعفير وتفحيط... او مطبات ومدقات عالسرعات العالية...
ثانيا:
خراب كاوتشة الكوبلن لاي سبب وتسرب شحمه وده من اخطر الأسباب لانه بيؤدي الى احتكاك شديد بين البلي والمجاري مما يؤدي إلى الحفر اللي ذكرتها سابقا...
ثالثا:
رداءة نوع الكوبلن سواءا نوع مضروب من معدن ضعيف او غير مصقول بشكل ناعم يسمح للبلي بحرية الحركة...

طيب عشان نجمع بين اعتقاد ان الملفات الشديدة هي السبب والكلام ده...
الملفات الحاده في وجود أحد الأسباب اعلاه تؤدي إلى خراب كبير جدا بالذات كع الكاوتشه المقطوعه نتيجة الاحتكاك العنيف...

تحياتي للجميع واتمنى أكون وضحت النقطة دي ولو حد عنده تعقيب احب اسمعه :-)