كاوتش تويو 350 TOYO الياباني
 

غيرت ولله الحمد يا شباب من كاوتش لاسا التركي الي كاوتش تويو الياباني مقاس 13/70/175 وده سعره ب380 ج حتي 18/1/2013 لان الدولار زي ما انتوا.فاهمين التجار عاملينه شماعة لاستغلالهم للشعب المصري وده من عند ممدوح غطاطي في فيصل والكاوتش.عنده انتاج الاسبوع 43/2012 يعني طازة ما كملش شهرين
والسعر شامل البلوف والترصيص والتركيب
نيجي بقي للمهم وهو انطباعي عن الكاوتش لانه الصراحة مهم جدا بالظبط عامل زي احساسك لما تشتري حذاء جديد وتتخلص من القديم
اول حاجة البور اصبح انعم عن الاول نسبيا ثانيا وده اهم حاجة احساسي بالطريق والنقر والمطبات ناعم جدا والكاوتش فعلا طري جدا بدرجة عالية وصوته هادي جدا يعني الحمد لله اصوات التآكل الل كان.الواحد بيسمعها في الفرامل والملفات اختفت رغم اني ظبطت الزوايا خمس مرات مع الكاوتش القديم علي الفاضي وكان الصوت مزهقني
نيجي بقي لشوية بيانات فنية عن الاطار
13/70/175 T82 اقصي سرعة 190كم/س
temperature B درجة تحمل الحرارة
treadwear 400 معامل التآكل
attraction A درجة تحمل الاحتكاك

وبكده اقدر انهي الموضوع واقولكم ان الكاوتش من اهم اجزاء السيارة ومن خلاله ممكن العربية تريحك وتحافظ علي عفشتها او الباقي انت عارفه بقي :fun_36_1_39[1]:

رد: كاوتش تويو 350 TOYO الياباني
 

تسلم ايدك على التقرير الوافى ومبروك على الارض :286:

رد: كاوتش تويو 350 TOYO الياباني
 

الله يخليك يا باشا
وربنا يسترها معانا ومعكم جميعا

رد: كاوتش تويو 350 TOYO الياباني
 

أولا الف مبروك على الكاوتش.

السعر يعتبر ممتاز بالمقارنة أنى جايب كاوتش جى تى اندونيسى مقاس 15 بسعر 420 جنية بدون تركيب او ترصيص. لسة مش ركبت الكاوتش مستنى على طلعه الصيف علشان المطر مش يبوظة من اول طلعه. شايل الكاوتش الجديد تحت السرير وتحته لوح خشب لمدة الشهرين الجايين.

مش فاهم ليه لما المقاس بتاع الكاوتش بيزيد السعر بيزيد قوى كدة يعنى الفرق بين مقاس 13 ومقاس 15 من نفس الماركة حوالى 120 جنية. حد ممكن يبرر لى سبب الزيادة الكبيرة دى أعتقد يعنى مش كبر الحجم كبير قوى للدرجة أنه يزيد 120 جنية.

كاوتش لاسا التركى دة غالى على الفاضى وأعتقد اللى مغلية هو الوكيل غبور اللى بيركبة فى كل عربيات هيونداى اللى بيصنعها. لكن ككوتش أعتقد انه عادى جدا..

الكاوتش بتاعى treadware بتاعى 260 فقط مش 400 زى بتاع حضرتك. وهذه نقطة ضعف فيه لان هذا معناه ان الكوتش هيتأكل بسرعة ومن القراة عرفت ان كل ما معامل التأكل بيقل هذا يعنى ان الكاوتش من المفروض يكون اطرى وافضل فى عدم الإحساس بالطريق. أعتقد الارقام دى مش تعنى كثير بدون تجربة وبإذن الله هقول عن تجربتى لما اركبة واجربة فترة...

منتظرين من حضرتك تقيم بعد عدد من الشهور ونشوف هل تقيمك للكاوتش هيفضل مرحب بيه ام لا. اعتقد ان اليابانى يابانى وهتفضل تقيمك ليه مرتفع

رد: كاوتش تويو 350 TOYO الياباني