القيادة في المطر ( مشكله )
 

السلام عليكم و رحمة الله و بركاته .

ازيكم يا شباب , طبعا الايام دي الجو زي الفل مطر و رياح , و القياده في الاوقات دي لازمها بعض القواعد , انا في الموضوع ده هستفسر على حاجه من حضراتكم و بعدين ياريت يكون الموضوع مفتوح لإبداء الآراء و النصائح و نفيد بعض .

اولا استفساري : كنت ماشي عادي و بعدين لقيت الدنيا بتمطر بس كان نقط خفيفه , انا قلت اشغل المساحات , شغلتها من غير ما ارش مايه مجرد ( هي اساسا خلصانه :D ) , المهم بدل ما المساحات تظبطلي الرؤية كما كنت متوقع , لاء دي ليطت الدنيا اكتر و ماشوفتش اي حاجه , الحمد لله قدرت أركن على اليمين و ضربت فلاشر و نزلت بحته قماش مسحت المايه و الحمد لله :D :D , هي المشكلة دي عندي انا بس ولا بتحصلكم ؟

ثانيا بقا منتظر اقتراحات و نصائح الاعضاء بخصوص القياده في المطر
بارك الله فيكم

رد: القيادة في المطر ( مشكله )
 

المساحات متشتغلش الا لما تكون وصلت لمرحلة اللا رؤيه ولقيت ان الازاز كله عليه ميه

لان بداية المطر بيبقي نقط خفيفه محمله بالاتربه اللي في الجو فالمساحات بدل محتمسح حتتطين الازاز ولازم طبعا تتاكد ان الاربه مليانه ميه ويكون عليها نقطة صابون صغيره عشان المساحات تجري ومتزيقش عالازاز وتجرحهسوقسوق

رد: القيادة في المطر ( مشكله )
 

تسلم يا كبير ما نتحرمش من ردك

رد: القيادة في المطر ( مشكله )
 

رد: القيادة في المطر ( مشكله )
 

اهم حاجة تكون المساحات كويسة ومش مشققة

ثانيا لازم تكون قربة المية فيها مية كفاية وتكون المية مضاف عليها كيس بريل

علشان يبقي ناعم عالزجاج بسس

وربنا يسترها معانا جميعاا