|
صيانه مكيف كرستاله 99
السلام عليكم ,, ممكن المساعده فى تكيف لانسر 99 لانه مكتوم والهواء اصبح قليل جدا والتبريد ضعيف ,, فين اعمل صيانه؟؟ وكام تكلف؟؟ وشكرا
|
رد: صيانه مكيف كرستاله 99
روح لاى مركز صيانة مكيف سيارت
وقله عايز انضف دورة التبريد واشحن على نضيف الشحن من 100 - 120 جنيه والتنضيف اديله 30 - 40 لو طلعت اى حاجة تانية هو هيقولك عليها ولو تقدر تروحله قبلها تقوله محتاج فريون قد ايه ؟ واشتريه انت لانه اغلبه مضروب فى السوق هندى وصينى هات علبة انجليزى او امريكى او حتى اولا زرق المصرى ده ممتاز جدا وسمعته كويسه وروحله يشحنهالك واديله تكلفة التوصيل والشحن فقط 30-40 جنيه والله اعلم |
رد: صيانه مكيف كرستاله 99
على فكره اولاد رزق فريون هندى معباء فى مصر ولا يوجد فريون صناعه مصرى واولاد رزق ممتاز تحياتى للجميع SLAMSLAMSLAM |
رد: صيانه مكيف كرستاله 99
مين اللى قال ان فيه فريون مصرى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟
ايه ياترى ده حتى الفلاية والمشط بنجيبهم من الصين هى عمرها عملت حاجة زى الدنيا اولاد رزق المصرى علشان السوق مسمينة كده احب أقول للجميع كل الفريون اللى فى مصر معبأ فى مصر مش اولاد رزق بس بس اولاد رزق سمعته كويسة ومجربينه تمام وبتوع التكييف وقطع الغيار والثلاجات وغيره عارفين الكلام ده واولاد رزق بيتعبى حسب نسبة الرطوبة فيه كل ما تقل كل ما يكون اغلى بيجيبوه فى التنكات الكبيرة فيه اتحاد اوروبى وفيه اندونيسى حسب منشأ الغاز وفيه وفيه سواء العبوة الصغيرة او الكبيرة كفاءة مليون مرة عن الصينى والهندى http://www.eg.all.biz/img/eg/catalog/25234.jpeg هتلاقى ثمنه اغلى منهم تحياتى للجميع |
رد: صيانه مكيف كرستاله 99
لو حضرتك فى اسكندرية اتفضل انا اعملك العربية
مركز دنيا لتكييف السيارات العجمى الكيلو 21 اشرف 01285291597 |
| الساعة الآن 07:22 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017