مشكلة تقطيع فى كورولا 99
 

ياشباب محتاج مساعدة منكم
من كام يوم رحت نضفت الكربريتور لانى عندى دخان اسود بيطلع من العادم (الشكمان) لزوم الترخيص السنوى - الميكانيكى فكك الكربريتور قطعة قطعة ونضفه بالبنزين والبخاخ، وكمان بدلت الطقم بيابانى اصلى، الماكينة 2E والطقم اللى ركبته كان 3E - الميكانيكى قال مش بتفرق لان كلهم زى بعض، مع انى حسيت ان فيه فرق لان مسمار ضبط الهوا الجديد ما اشتغلش واضطر الراجل يركب القديم مرة تانية، وبعدها بدأت العربية تقطع بطريقة قوية يعنى كلها ترج كدة لكن الرجة بتخف لما ازود السرعة - بالاضافة لانها اصبحت بتصرف بنزين اكتر من الثلث عن الاول - والبواجى (البلكات) لما افكها بيبقى على السن من تحت كربون اسود كثيف، وفى الصبح لما ادورها اصبحت بتدور بعد ما احاول ادورها كام مرة، كل مرة بدور السويتش حوالى 10 ثوانى، المهم رحت لميكانيكى تانى قال لى ان طقم الكربريتور اللى ركبته ده بتاع ماكينات اكبر والفونية بتاعته مقاسها 105 والمفروض تكون 100 - وقال ان ده بيفسر زيادة استهلاك البنزين - وقال انى لازم افك الكربريتور من تانى واعيد تنضيفه واركب الطقم المظبوط. ورحت لواحد تانى قالى محتاج تغيير بلوف وتركيب شنبر او عمل عمرة كاملة وان المشكلة فى السلندرز والبستونز نفسها، مع ان السحب كويس جدا والوقت الى باخده عشان اوصل لسرعة 40 و 60 هو نفسه اللى كنت باخده من حوالى ست شهور كدة. - انا عندى احساس ان التقطيع مش من الكربريتور لانى وانا سايق، مرة مرة بسمع صوت زى اللى بسمعه لما اغير الترس، فهل ممكن يكون السبب استهلاك فى طارة الدبرياش (الكلتش) ؟ - وهل كوابل البلكات ممكن تكون سبب برضك ؟، وهل البلكات نفسها ممكن تكون سبب ؟ - ماركتها دينسو 16 ملم.

ارجوكم افيدونا يا اهل الخبرة

رد: مشكلة تقطيع فى كورولا 99
 

رد: مشكلة تقطيع فى كورولا 99
 

كما قال الاخ الفاضل eng/walaaeldeen
مشكلتك لسة فى الكربراتير
بدليل الكربون اللى على البوجيهات
لازم الكربراتير يتظبط يقوم يظبط مشى العربية واستهلاكها فى البنزين

رد: مشكلة تقطيع فى كورولا 99
 

رد: مشكلة تقطيع فى كورولا 99
 

الف شكر ياجماعة - على الردود الرائعة، وفعلا المشكلة كانت كربريتور - النهاردة رحت لميكانيكى كان بيشتغل للوالد من 20 سنة وظبط الكربريتور، لقى الشدادات اللى بتربط فى قطة المثلث البلاستك (اللى فيها تلاتة خروم ومقاسها حوالى 2 سم) فى الجهة اليمين متركبة غلط، ونص الدايرة المعدن اللى قطرها حوالى 6 سم ديه - اللى فى راس الكربريتور (اللى بتتحكم فى دخول الهوا زى ما قالى المعلم) اللى بيلف حولين القضيب الافقى اللى بيقسم الكربريتور لنصين - لقاها معلقة ومش ماخده حريتها فى الحركة، ده غير ان جلدة الكباس (اللى هو زى البستون كدة) الجديد بتاع الاسبير الـ 3e اللى ركبته كان مافهاش ياى تحتها (زنبرك) علشان يشد الدايرة ويوسعها فركبت واحد من اسبيرات الوالد المتجمعة، كمان غيرت الفونيات بتوع الهوا والبنزين ببدايل اصلية، العربية اصبحت خفيفة جدا والتقطيع راح، لما شوف يوم الحد اما روح الشغل استهلاك البنزين هيكون ازاى.
الحمدلله على كل حال وبرضه استفدت من الحدث يعنى.