ازاى احافظ على البطارية السائلة
 

السلام عليكم
انا لسة شارى عربية من شهرين تقريبا و العربية معاها بطارية سائلة كلوريد
بعد شهر ونص من الاستعمال رحت كشفت عليها فى التوكيل راح فاتح 6رؤس البطارية
و ملاهم ماء مقطر كانت ناقصة شوية و بعدين قفلهم و بعدين جاب شفشق مية و دلق مية على البطارية علشان رضيتة قالى علشان الماء المقطر ميبوظش صاج العربية
هل كدة فى حاجة ناقصة اصل انا لسة جديد فى موضوع العربيات
و عدى شهر على الكلام دة و عايز اعمل صيانة تانى و مش عارف اكشف على حاجة تانى علشان كنت عايز اروح تانى
شكرا

رد: ازاى احافظ على البطارية السائلة
 

كل فترة ممكن تفتح ال 6 غطاء بتاع البطارية و تشوف الميه لو ناقصة ممكن تزودها ميه عادية او مياه مقطرة....

رد: ازاى احافظ على البطارية السائلة
 

انا بعمل حاجه كده بعد اي مشوار بالليل اطفي كل انوار العربيه وخليها دايره شويه عشان البطاريه تاخد شحن كامل بعيد من الدينمو :Wkiss5:

رد: ازاى احافظ على البطارية السائلة
 

بتحاول تعمل حاجة صح بس الطريقة دى مش هتوصلك لشىء
لان البطارية علشان تتشحن لازم على الاقل 30 دقيقة متصلة كحد ادنى
انما المشواير الخطافى او الدقائق البسيطة او ربع ساعة لا تكفى أبدا

رد: ازاى احافظ على البطارية السائلة
 

يعنى افهم من كلام حضرتك انى لازم افضل واقف مكانى نصف ساعة علشان اضمن شحنها
ولا و انا ماشى عادى مثلا كدة الصبح مشغلش اى انوار او الكاسيت
و هل لو الكاسيت شغال بس بصوت مش عالى يبقى انا كدة يعتبر مش بشحن العربية
و افضل طريقة لشحن العربية
----------------
بالنسبة للبطارية انا بتابع فى التوكيل
لسة رايح كشف كدة بجهار و زوت بنزين و قالى شغل النور
قالى الدينمو تمام و كشف على المية لاقاها تمام بردو