ابيزا 94
 

السلام عليكم ورحمة الله
انا لسه مشتري عربية ابيزا 94 ... بعد ما اشترتها باسبوع سمعت صوت تكتة قي الجنب الشمال كل ما ازود السرعة يزيد بعد كدة سكت بس لاقيت المسافة بين العجل الي ورا وجسم العربية قلت ""ده في الحنب الي كان فيه التكتكة عن الجنب التاني .... ده من ايه؟ و كنت عايز عفشجي كويس في الهرم ؟


وايه الحاجات الي اغيرها في الاول في العربية واحسن زيت ليها ايه ؟

رد: ابيزا 94
 

مبروووك عليك العربيه ربنا يدك خرها ويكفيك شرها
ممكن تغير سير الكاتينه - وطقم البوجيهات - والزيت موبيل - وفلتر الهوا - فلتر بنزين - فلتر زيت
افضل واحد اتعملت معاه فى ظبط الزوايا هو مركز النصر لخدمة السيارات الى فى اخر شارع الروضه ( 3ش يوسف الدجوى -منيل الروضه - 23620812 ) ادخل وقول انا عاوز اظبط زوايا سيتم الكشف على العفشه اولا وهيدك تقرير كامل عنها لوفيها حاجه عشان تظبطها وترجعله تانى وااكد تقرير كامل ومجاناً وممكن هوا يعملهالك لو حبيت كمان لان عنده ميكانيكيه بس ياريت تتصل قبلها لانه بالحجز وعشان ماتقفش هناك كتير .

رد: ابيزا 94
 

الله يبارك فيك متشكر جدا للرد ... بس انا سمعت ان شيل افضل من موبيل ... ولو موبيل .. لونه ايه او كام كيلو ... والمركز ده بيظبط الزوايا كمبيوتر ؟ .... شكرا

رد: ابيزا 94
 

حكاية ان شيل افضل من موبيل معرفهاش .. انا بستخدم موبيل 2000 ك وسعره 93ج ولقيته عند بنزينه فى شارع مصر والسودان بالمهندسين .اما المنتشر موبيل 5000 و100000 ك واسمه موبيل ون مشهور .
بخصوص نوعية الزيت لو كان ماتورها الأصلى ال 1300cc يبقى توتال كوارتز 5000 أو موبيل بأنواعه كما ذكرت أو
كاسترول ما جنتيك10000 ك 195 ج
وكاسترول ايدج 15000 ك 270 ج
وكاسترول ايدج سبورت 15000 ك 330 ج

أما المركز بتاع ظبط الزوايه بيظبط بالكمبيوتر طبعاً فى مراكز اتعملت معاها من تجربة السنين بس الى يميز المركز ده عن غيره (الدقه - لو حبيت اعرف أخبار عفشتى بعرف ليه لانه وديه المميزه مابيشتغلش فى العربيه ظبط ألا لما تكون العفشه تمام غير كده بيقلك ظبط وتعاله والكشف ده بيكون مجاناً ... فرضاً روحت اظبط عند اى حد وده حصلى شخصياً يبقى العفشه منيله ويظبط بردو الزوايه ليه عشان ياخد منك مصنعية فلوس كتيرالظبط أو فى مركز تانى يقلك ظبط وتعاله بس الكشف ده له حساب طبعا ولما تيجى يتخصم من أجمالى الظبط ... وضحت الصوره

رد: ابيزا 94
 

يا باشا انا بجد متشكر جدا ... فغلا العربيات ديه حكايات دي اول عربية ليا .. وشكلي هشوف كتير
عمتا ماتورها متسقط 1400 هاف انجكشن ماتور سيات مش بولو او جولف "" مش عارف ده هيفرق في نوع الزيت اد ايه "" ... طيب وتنصحني بكهربائي مين وميكانيكي مين في الهرم ؟ ... وبجد الف شكر .:fun_36_1_39[1]:."