|
رد: الي الاخ الفاضل Tham 1010 و الي جميع اصحاب الخبرة
برحتك...... احنا بنقول اللى بنعرفة وبنسأل عليه. طالما عارف يبقى السؤال ملهوش معنى
|
رد: الي الاخ الفاضل Tham 1010 و الي جميع اصحاب الخبرة
راجعت مصدر المعلومات فى الجمرك. وقال لى الاتى ان القيمة اللى قلت لك عليها وهى 45 الف جنية لموديل 98 هو قيمة السيارة + الشحن + الجمرك وليس الجمرك فقط. يعنى 45 الف جنية خالصة بدون مكسب البائع. وجب التوضيح منعا لسؤ التفاهم...........
أحنا مش بنفتى أحنا نقلنا الكلام زى ما اتقال لنا. على الاقل احنا بنسأل قبل ما نجاوب. مش مشكلتى ان الراجل اللى جاوبنى قال لى قيمة السيارة كاملة وليس الجمرك فقط. ولكن ليس معنى الخطأ فى معلومة ان يستهزء السأل. على الاقل انا الوحيد اللى جاوبتك ولم ابخل بوقت ولا إتصال تليفونى علشان اجيب معلومة لشخص اخر لن استفيد منه شئ... بالسؤال عن قيمة الجمرك فقط افاد بالاتى موديل 2000 ( 12000ج تقريبا ) موديل 2003 و 2004 ( 15000ج تقريبا ) |
رد: الي الاخ الفاضل Tham 1010 و الي جميع اصحاب الخبرة
الاخ الفاضل
اعتقد اننا شكرت حضرتك رغم عدم وضوح المعلومة من قبل بس لو حضرتك مكاني برده كنت هاتصرف بنفس الاسلوب و يمكن تقول اكتر لاننا من حوالي 6 شهور بنلف و ندور في نفس الحلقة المفرغة و هي حساب القيمة الجمركية سيف و مش عارف ايه تاني و كان اللي بسال خبير جمارك. حتي حضرتك المعلومة جت واضحة بس بعدت ما انت حسيت اننا قصدي الاهانة بس بقول لحضرتك حاجة ايه الداعي اننا ازعل حضرتك في ايام كريمة ذي دي كمان الموضوع مش بيدك و لا بيدي عامة انا اسف يا ريس مش قصدي اغلط في شخصك و لا أي شخص محترم علي المنتدي |
رد: الي الاخ الفاضل Tham 1010 و الي جميع اصحاب الخبرة
حصل خير. وبالتوفيق. وهذه القيم اللى قلت لك عليها هى ما يتم دفعه اليومين دول من قبل واحد شغال سيارات معاقين ومخلص جمركى فى بورسعيد. هو الاول أفتكر انى بسأل على قيمة السيارة كاملة بدون مكسب التاجر فأعطانى رقم 45 الف لموديل 98. حتى انى قلت له دى غالية قوى لانى ظننت انها قيمة الجمرك فقط فقال لى ان الدولار غلى وهذا بيأثر على ثمن العربية والشحن وكمان الجمرك. وبدأ يقول لى الجمرك على كل كمليات السيارة اللى ذكرتها فى المشاركة السابقة.
على العموم بالتوفيق. هو حضرتك هتشترى العربية من مواقع النت ولا حد هيشتريها لك ويبعت ها لك؟ |
رد: الي الاخ الفاضل Tham 1010 و الي جميع اصحاب الخبرة
متشكرين تاني علي اهتمام حضرتك
اما بالنسبة للشراء انا هاشتري من مواقع النت بس من خلال واحد صاحبي هناك يعني هاختار العربية اللي تعجبني و اقول له عليها يشتريها و يشحنها بس ان شاء الله لما بس الجواب يخلص هاخليه يشوف في هناك اكيد في عربيات كتيرة حلوة مش معروضة يعني ربنا يكرم بقي لاني اشمعت مرة في اوكتافيا استيشن من عند كرستال و خسرت فيها تمن عربة و دا السبب اللي مخليني اسال كتير |
| الساعة الآن 05:52 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017