|
لما النور بيقطع بتعمل أيه؟؟
مشكلة وصابت الشعب المصرى وهى إنقطاع الكهرباء. الحقيقة الامر أتحسن يومين ثلاثة ورجع تانى النور يقطع كل يوم ساعة. وزى زى الناس عاوز حاجة أولعها لما النور يقطع. الحقيقة عاوز حاجة نورها كويس علشان الواحد يقضى شغلة ومش يتعطل.
كانت اول تجربة مع الكشاف الصينى اللى بيكون فيه راديوا ومسجل وساعة وفلاشر وفيه لمبتين 25 سنتى رفيعين وكنت شارية ب 75 جنية. وكان الكشاف بيشحن فى الكهرباء ولما النور يقطع تشغله. كان كويس ولكن مش قعد اكثر من سنة. لقيت البطارية مش بتشحن رحت غيرت له بطارية ب 15 جنية قعدت أسبوعين ومش اشتغلت تانى ورجع مش يشحن. عرفت ان البطارية اللى اشترتها درجة ماية والان اصلا مش بقت تنزل البطاريات من النوع دة. وكمان اللمبة اتحرقت وغيرتها كذا مرة قبل ما الكشاف يطلع فى الروح.. جبت شوية الكشافات اللى بتكون على قد الجيب وب 2 ونص ‘لى 5 جنية ودول حلوين لو انت ماشى وبيشتغلوا على بطارية زى بتاع الساعة ومحطوط فيهم لمبات Led بتخلى نورهم شديد. ولكن برضوا الكشاف دة يدوبك شهر ويخلص وكمان محدود جدا ونوره موجه فى إتجاه واحد,,,,, الان رجعت للشمع ولكن نورة مش لطيف وبرضوا مش تقد تشتغل تحت ضوءه المحمر والمعتم... ولهذا كتبت الموضوع حبيت اعرف تجاربكم لما النور بيقطع أيه المصدر اللى بتستخدمه ويكون نوره كويس وشديد.. هل ممكن حد يرشح لى كشاف كويس ومنين اجيبة.. عاوز حاجة تكفى غرفة صغيرة بحيث أن كل اركان الغرفة يكون واصل لها نور.. مش مهم اوى التكلفة ولكن طبعا مش هجيب حاجة بمائات.... لكم جزيل الشكر للمشاركة |
رد: لما النور بيقطع بتعمل أيه؟؟
فعلا .,. الكهرباء رجعت تقطع بس مش زي الاول و غالبا عندي بتقطع 7 مساءا و تيجي 8 ونص او 9 .,. و ليه تجارب كتيره مع الكشفات الصيني لما زهقت من سرعه تلفهم و شغال بالشمع و لما يجي زبون باجيب الدواء من علي الرف بنور الموبايل:1281F1~121: ... و خلاص قربت اقفل لعبه السودوكو علي الموبايل 444546...
|
رد: لما النور بيقطع بتعمل أيه؟؟
السلام عليكم المثل بيقول من فات قديمه تاه فالحل سهل وبسيط جدا http://www.sudaneseonline.com/upload...dansudan87.jpg http://tahrir2day.com/images/8714_660_192929.jpg http://profile.ak.fbcdn.net/hprofile...45902181_n.jpg :THUMBS~220::THUMBS~220:: THUMBS~220::THUMBS~220: الله المستعان |
رد: لما النور بيقطع بتعمل أيه؟؟
فيه كشافات ماركتها AMIRوهى صناعة صينى أيضاً وعليها ضمان سنه وفيها لمبتين فلورسنت 25 سم ونورهم كويس ولو مشحونين تمام يفضل الشحن فيهم 6 ساعات كاملة بس خلى الفيشة متوصله على طول طالما الكهرباء بتقطع عندك كل يوم ولو مش هاتستعمله فترة طويله يبقى يفضل تشحنه بالكامل وبعدين تفصل عنه الكهرباء وتشيله
|
رد: لما النور بيقطع بتعمل أيه؟؟
متشكرين للمشاركة.. الظاهر الكل بيلف فى نفس الدائرة بتاعتنا.. أنا كنت فاكر فى القاهرة والمولات الكبيرة هناك فى حاجات مستوردة وكويسة وتعيش كام سنة.
|
| الساعة الآن 06:36 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017