مصر موتورز مجتمع السيارات - مطلوب ترشيح تليفون أندرويد

يا جماعة الخير

من أول ما إستخدمت الموبايل و أنا مقتنع بإن الغالى ملوش لازمة

يعنى الحكاية كلها فى الأول و الأخر تليفون بيقول ألو و خلاص

و بناء عليه عمرى ما فكرت أتشرى تليفون أغلى من ألف جنيه سواء ليا أو للولاد

لكن مؤخرا و بعد ظهور الأى فون و إللى كان تجسيد حقيقى لفكرة التليفون الذكى Smart Phone

http://www.hafeez-centre.com/items/h...0GB%20-498.jpg

و أصبح التليفون ليه تطبيقات و إستخدامات مذهلة و متنوعة و بتسهل حاجات كتير فى الحياة

طبعا الحائل إللى وفق ضد إنتشار الأىفون فى مصر بشكل كبير حاجتين الأول إن سعره غالى جدا و كمان كل حاجة تبع أبل بتبقى بفلوس كتير يعنى أى تطبيق جديد أى ترقية لازم تبقى بفلوس .

لغاية ما ظهرت جوجل بنظام أندرويد للتليفونات الذكية من حوالى سنتين تقريبا و من ساعتها الحالة إتغيرت و إتبدلت .

http://brokewino.com/wp-content/uplo...is-android.gif

نظام أندرويد Android للى ما يعرفش هو نظام تشغيل للأجهزة الكفية (زى الموبايل و الباد) و نظام أندرويد هو نظام مبنى على نواة النظام العبقرى لينكس Lunix و بكدة بيتمتع أندرويد بمزايا اللينكس و إللى تتلخص فى الثبات و الإعتمادية و المرونة أما أكثر ميزة و أقواها هى إنه نظام مفتوح المصدر يعنى متاح للمطورين و المستخدمين مجانا سواء للتعديل أو للإستخدام

بمعنى إن 90 % أو أكتر من تطبيقات أندرويد (بما فيها الإصدارات المختلفة من أندرويد نفسه) مجانية تماما.

http://arabcrunch.com/wp-content/upl...oid-market.jpg

و خلال السنتين دول قدمت شركات التليفون أجهزة تليفون ذكية و رائعة
من أول شركة HTC لموترولا لسونى أريكسون و أخيرا سامسونج إللى أتحفت العالم بالتليفون الرائع جلاكسى إس 2

http://upcoming-android-phones.info/...oid-phones.jpg

أخيرا و بعد طول تفكير و إنتظار

قررت أنضمن لعالم أندرويد زى ما إنضميت لعالم لينكس من سنة و نص تقريبا

لكن عندى مشكلة فى الإختيار و الوصول لقرار بصراحة
لإنى محتار جدا نظرا لإن السوق مليان منتجات رائعة و إختيارات متعددة

فى الحقيقة أنا عايز مساعدة فى القرار

المتاح فى السوق حاليا ممكن تقسينه إلى تلات شرايح من الأجهزة

أجهزة إقتصادية

و دى إمكانيتها منخفضة و محدودة و أسعارها من ألف جنيه أو أقل قليلا إلى 2000 جنيه تقريبا

زى

Galaxy Family
http://bemyandroid.com/wp-content/pl...axy-family.jpg

hTc Wildfire S
http://www.thefonestuff.com/product_...22046_zoom.jpg

أجهزة متوسطة

و دى إمكانيتها معقولة و أسعارها من 2000 إلى 3000 جنيه
زى

Samsung Galaxy S Plus
http://www.moshtry.com/images/articl...laxy-s-003.jpg

Sony Ericsson Xperia neo
http://www.blognotes.in/wp-content/u...oid-Mobile.jpg

أجهزة فائقة

و دى أعلى تكنولوجيا فى الوقت الحالى و أسعارها فوق 3000 جنيه
زى

ٍSamsung Galaxy S II
https://www.orders4all.com/media/sam...fficial_11.jpg

hTc Sensation
http://mobile4egy.com/wp-content/upl...ensation-1.jpg

صعوبة القرار تتمثل فى

إن ده أول تعامل ليا مع الأندرويد فهل ممكن الواحد يبتدى باحدث و أقوى حاجة فى الأجهزة دى على طول و لا يبتدى بحاجة إقتصادية رخيصة ، بس المشكلة إنى مش هفكر أشترى تليفون جديد إلا بعد سنة على الأقل ، و كمان خلال شهرين تلاتة و كل الشركات تقريبا هتنزل الجيل الجديد من التليفونات الذكية بمواصفات تانية خالص و ساعتها الجديد هيبقى قديم.

إيه رأيكم ربنا ما يوقعكم فى حيره