مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   A 516 (https://www.masrmotors.com/vb/forumdisplay.php?f=187)
-   -   هل فى تصليح لطلمبة الباور سبرانزا 516 (https://www.masrmotors.com/vb/showthread.php?t=38785)

moumenza 06-11-2010 10:35 AM

هل فى تصليح لطلمبة الباور سبرانزا 516
 
السلام عليكم معايا عربية اسبرانزا 516 مو2006 وطبعا خارج الضمان من حوالى شهرين طلمبة الباور كانت بتجيب زيت باستمرار وكل شوية ازود لها زيت علشان تشتغل كويس واخيرا اشتريت طلمبة جديدة ولكن للاسف باظت بعد حوالى شهر ونصف والمحل اللى اشترتها منه قال انه مالوش دعوة وللعلم كشفت على المواسير والوصلات وكانت سليمة ومفيهاش اى ثنيات وتأكدت عن طريق الميكانيكى ان العيب من الطلمبة مش من العربية .. حاليا انا معايا الاتنين الجديدة والقديمة فهل ممكن حد يصلح منهم حتى واحدة وشكرا للجميع مقدما
<!-- / message -->

BASSEM BESO 06-11-2010 10:21 PM

رد: هل فى تصليح لطلمبة الباور سبرانزا 516
 
ياباش اطلع على احمد مهران فى الملك الصالح من غير كلام وهتلاقى كل اللى يريحك ويعجبك و يخلى عربيتك بحالة الزيرو وهو متخصص فى اللأسبرانزا عموما وخصوصا ال516 لعبتة ودة مش كلام دة تجربة فعلية انا عربيتى موديل 2010 وكان فى مشاكل بسيطة واستاذ احمد فاروق وصفهولى وروحتلوا وكان اكثر من ممتاز وهو حلهالى فروحلة حتلاقى كل اللى انت عايزة وهتمشى مبسوط جدا من عندة واى استفسار انا تحت امرك .

moumenza 07-11-2010 08:55 AM

رد: هل فى تصليح لطلمبة الباور سبرانزا 516
 
الف شكر على ردك وان شاء الله انفذ نصيحتك بس هل ياترى هو بيصلح طلمبة الباور ولا حايقول لى زى اى ميكانيكى غير الطلمبة وطبعا زى ما حضرتك عرفت ان انا جبت واحدة جديدة يادوب اشتغلت شهر ونصف ودفعت حوالى الف جنيه بتركيبها الله اعلم بقى قطع غيار مضروبة واللى اشريتها منه فى الحرفيين قال لى ان قطع الغيار مالهاش ضمان

أحمد فاروق سيد 07-11-2010 02:44 PM

رد: هل فى تصليح لطلمبة الباور سبرانزا 516
 
اقتباس:

المشاركة الأصلية كتبت بواسطة moumenza (المشاركة 278270)
واحدة جديدة يادوب اشتغلت شهر ونصف ودفعت حوالى الف جنيه بتركيبها
الله اعلم بقى قطع غيار مضروبة واللى اشريتها منه فى الحرفيين قال لى ان قطع الغيار مالهاش ضمان

لما تشترى قطعة غيار مهمة زى ده
تشتريها من حد مضمون ،،، أو تقدر ترجعله
وتأخد منه فاتورة كمان
علشان تقدر تأخد حقك
لو فيها مشاكل
وأنا الحرفيين مش بستريح ليهم
شوف يا باشا
أضمن واحد ممكن تشترى منه قطع غيار
للأسبرانزا وأنت مطمن أنها قطعة أصلية
هو عزيز سليمان فى التوفيقية
مع العلم أنه أغلى واحد فى التوفيقية

عموماً
روح لأحمد مهران واللى حيقولك عليه
إن شاء الله هو الصح


حازم شاهين 07-11-2010 04:13 PM

رد: هل فى تصليح لطلمبة الباور سبرانزا 516
 
أعتقد إن الطلمبة ما بتتصلحش
لو باظت بتتغير على طول

للأسف


الساعة الآن 09:41 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017